ଶ୍ରୀନଗର,୨୧।୮: ଆତଙ୍କବାଦୀ କାର୍ଯ୍ୟକଳାପରେ ଜଡିତ ଥିବା ବ୍ୟକ୍ତିଙ୍କ ବିରୋଧରେ ପ୍ରଶାସନ ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦ୍ୱିଧା କରିବ ନାହିଁ କାରଣ ସମ୍ବିଧାନ ମଧ୍ୟ ଅନୁମତି ଦେଇଛି ବୋଲି ଜମ୍ମୁ କଶ୍ମୀର ଲେଫ୍ଟନାଣ୍ଟ ଗଭର୍ନର ମନୋଜ ସିହ୍ନା କହିଛନ୍ତି।
ସିହ୍ନା କହିଛନ୍ତି, ଯେଉଁମାନେ ଅଖଣ୍ଡତା ତଥା ସାର୍ବଭୌମତ୍ୱ ପ୍ରତି ବିପଦ ସୃଷ୍ଟି କରିବାରେ ଜଡିତ ଅଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆମ ସରକାରଙ୍କ ପ୍ରାଥମିକତା। ବେଆଇନ ଉପାୟରେ ସରକାରୀ ଚାକିରୀ ହାସଲ କରିଛନ୍ତି। ଆମ ସରକାରଙ୍କ ପ୍ରାଥମିକତା ହେଉଛି ଆତଙ୍କବାଦୀ କାର୍ଯ୍ୟକଳାପରେ ଜଡିତ ଅଛନ୍ତି ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା।
ଆତଙ୍କବାଦକୁ ସମର୍ଥନ କରିବା ଅଭିଯୋଗରେ ଜେ ଆଣ୍ଡ କେ ବ୍ୟାଙ୍କର ମୁଖ୍ୟ ପରିଚାଳକ ସାଜଜାଦ ବଜାଜଙ୍କୁ ବରଖାସ୍ତ କରିବାର ଗୋଟିଏ ଦିନ ପରେ ଏଲଜିଙ୍କ ବିବୃତ୍ତି ଆସିଛି।