ନୟାଗଡ଼ ଅଫିସ,୧।୧୧: ପାଣି ପାଇଁ ରାସ୍ତାରୋକୋ। ନୟାଗଡ଼ ପୁରୁଣା ସହର ଦକ୍ଷିଣକାଳୀ ମନ୍ଦିର ସମ୍ମୁଖରେ ୫୭ ନୃ ଜାତୀୟ ରାଜପଥ ପୂର୍ବାହ୍ନ ୧୧ଟାରୁ ଅବରୋଧ କରାଯାଇଛି। ଆନ୍ଦୋଳନକାରୀ ବାଇକ, ସାଇକେଲକୁ ମଧ୍ୟ ଛାଡୁନାହାଁନ୍ତି। ଏନେଇ ରାସ୍ତାର ଉଭୟ ପାର୍ଶ୍ୱରେ ଯାନବାହନ ଅଟକି ରହିଛି। ଅନ୍ୟପକ୍ଷେ, ନୟାଗଡ଼ ମ୍ୟୁନିସିପାଲଟି ପକ୍ଷରୁ ପାନୀୟ ଜଳ ଟ୍ୟାଙ୍କରକୁ ଆନ୍ଦୋଳନକାରୀ ଫେରାଇ ଦେଇଥିବା ଜଣାପଡିଛି। ଜନସାସ୍ଥ୍ୟ ବିଭାଗ ୩ ଦିନ ହେଲା ପାନୀୟ ଜଳ ଯୋଗାଣ ବନ୍ଦ କରିଛି। ତେବେ ଆନ୍ଦୋଳନସ୍ଥଳୀକୁ ଜନସାସ୍ଥ୍ୟ ବିଭାଗର କେହି ଅଧିକାରୀ ଆସି ନଥିବାରୁ ଉତ୍ତେଜନା ବଢିଚାଲିଛି।