କେସିଙ୍ଗା,୪।୪(ଡି.ଏନ.ଏ.): ଚାଉଳ ନ କିଣିବାରୁ କଳାହାଣ୍ଡି ଜିଲା କେସିଙ୍ଗାସ୍ଥିତ ଏଫସିଆଇର ମୁଖ୍ୟ ଗେଟ୍ରେ କଳାହାଣ୍ଡି ଜିଲା ମିଲର୍ସ ଆସୋସିଏଶନ ପକ୍ଷରୁ ମଙ୍ଗଳବାର ଗଣଧାରଣା ଦେଇଥିବା ଜଣାପଡ଼ିଛି। କେସିଙ୍ଗା ଅଞ୍ଚଳର ୧୫ଟି ଏବଂ ଭବାନୀପାଟଣା ସବଡିଭିଜନର ପ୍ରାୟ ୪୦ଟି ମିଲର୍ସଙ୍କ ଠାରୁ ଠିକ୍ ଭାବେ ଏଫସିଆଇ ନ କିଣି ବଲାଙ୍ଗିର ଜିଲା ଟିଟିଲାଗଡର ୬ଟି ମିଲର୍ସଙ୍କଠାରୁ ଚାଉଳ ରଖୁଥିବା ପ୍ରତିବାଦରେ ଏହି ଗଣଧାରଣା ଦେଇଛନ୍ତି। କଳାହାଣ୍ଡି ଜିଲା ମିଲର୍ସ ଆସୋସିଏଶନର ସଭାପତି ନଳିନୀ କୁମାର ପାଟ୍ଟଯୋଶୀଙ୍କ ନେତୃତ୍ୱରେ ଅର୍ନିଦ୍ଦିଷ୍ଟ କାଳ ପାଇଁ ଧାରଣାରେ ବସିଥିବା ସୂଚନା ମିଳିଛି। ତେବେ ଏ ନେଇ ଟିଟିଲାଗଡ ସବଡିଭିଜନ ମେନେଜର ବି.ଚନ୍ଦ୍ର ମୋହନଙ୍କୁ ପଚାରିବାରୁ ଅଳ୍ପ ଦିନ ମଧ୍ୟରେ ସମାଧାନ କରାଯିବ ବୋଲି ପ୍ରକାଶ କରିଥିଲେ।