ବିଜେଡିକୁ ଶକ୍ତ ଝଟ୍‌କା: ଶଙ୍ଖ ଛାଡି ହାତ ଧରିଲେ ପୂର୍ବତନ ବିଧାୟକ ସିପ୍ରା ମଲ୍ଲିକ

ଭୁବନେଶ୍ୱର,୧୮।୪: ପୂର୍ବତନ ବିଜେଡି ବିଧାୟକ ସିପ୍ରା ମଲ୍ଲିକ ଗୁରୁବାର ଶଙ୍ଖ ଛାଡି ହାତ ଧରିଛନ୍ତି। ସେ କଂଗ୍ରେସ ଭବନରେ ପହଞ୍ଚି ଦଳରେ ଯୋଗ ଦେଇଛନ୍ତି। ସିପ୍ରା କେନ୍ଦ୍ରାପଡାର ପୂର୍ବତନ ବିଧାୟକ ଥିଲେ। ନିକଟରେ କଂଗ୍ରେସର ବରିଷ୍ଠ ନେତା ଗଣେଶ୍ୱର ବେହେରା ଦଳ ବଦଳ କରି ବିଜେଡିରେ ଯୋଗଦେବା ପରେ ସିପ୍ରାଙ୍କୁ ଏଥର ଟିକେଟ୍‌ ନି ମିଳିବା ନେଇ ଆଶଙ୍କା ଥିଲା। ସେ ପୂର୍ବରୁ ମଧ୍ୟ ଚେତାବନୀ ଦେଇ କହିଥିଲେ, ଯଦି ଏଥର ଦଳ ତାଙ୍କୁ ଟିକେଟ୍‌ ନ ଦିଏ ତେବେ ସେ ବିଜେଡି ଛାଡିବେ।