ଲସ ଭେଗାସ,୮ ।୫: ଆମେରିକା ନ୍ୟୁମେକ୍ସିକୋ ଜଙ୍ଗଲରେ ଲାଗିଥିବା ନିଆଁ ସାଧାରଣ ଜନଜୀବନକୁ ଅସ୍ତବ୍ୟସ୍ତ କରିପକାଇଲାଣି । ଭିଷଣ ନିଆଁ ଯୋଗୁ ଆକାଶରେ ଧୂଆଁର ଏକ ଆସ୍ତରଣ ଦେଖାଯାଇ ଥିବାରୁ ଲୋକେ ନିଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି । ଏପଟେ ନିଆଁ ଯୋଗୁ ତାପମାତ୍ରା ବି ବଢିବାରେ ଲାଗିଛି । ଅନ୍ୟପଟେ ଜୋରରେ ପବନ ହେଉଥିବାରୁ ନିଆଁକୁ ଆୟତ୍ତ କରିବା କାଠିକର ପାଠ ହୋଇଗଲାଣି । ନିଆଁ ଲିଭାଇବାକୁ ଦମକଳ କର୍ମଚାରୀ ଦିନରାତି ଏକାଠି କରିଦେଇଥିବା ବେଳେ ହେଲିକପ୍ଟର ମାଧ୍ୟମରେ ଆକାଶମାର୍ଗରୁ ବି ପାଣି ଛିଞ୍ଚା ଯାଉଛି । ହେଲେ ପବନର ବେଗ ଅଧିକ ଥିବାରୁ ନିଆଁକୁ ସହଜରେ ଲିଭାଯାଇ ପାରୁନାହିଁ ।