ଭାରତୀୟ ଦ୍ରୁତ ବୋଲର ଜସପ୍ରୀତ ବୁମରା ଖୁବ୍ଶୀଘ୍ର ବିବାହ କହିବାକୁ ଯାଉଛନ୍ତି। ଏହି କାରଣରୁ ସେ ଇଂଲଣ୍ଡ ବିପକ୍ଷ ଶେଷ ଟେଷ୍ଟ ନ ଖେଳିବାକୁ ନିଷ୍ପତ୍ତି ନେଇଛନ୍ତି। ତାଙ୍କୁ ପୂର୍ବରୁ ଟି-୨୦ ସିରିଜ୍କୁ ବିଶ୍ରାମ ଦିଆଯାଇଛି। ତିନି ମ୍ୟାଚ୍ ବିଶିଷ୍ଟ ଏକ ଦିବସୀୟ ମଧ୍ୟ ସେ ଖେଳିବେ ନାହିଁ। ଖୁବ୍ଶୀଘ୍ର ବିବାହ କରିବାକୁ ଯାଉଥିବା ବୁମରା ଆଜି ଭାରତର ସଫଳ କ୍ରିକେଟରଙ୍କ ମଧ୍ୟରେ ଅନ୍ୟତମ । ମାତ୍ର ତାଙ୍କର ପିଲାଦିନ ବହୁତ ସଂଘର୍ଷମୟ ଥିଲା। ଏମିତି ବି ଦିନ ଥିଲା ବୁରାହଙ୍କ ପାଖରେ ଚପଲ କିଣିବା ପାଇଁ ମଧ୍ୟ ଟଙ୍କା ନ ଥିଲା।
ଭାରତୀୟ ଦଳର ଦ୍ରୁତ ବ୍ୟାଟ୍ସମ୍ୟାନ୍ ବୁମରା ନିଜର ତୀକ୍ଷ୍ଣ ବୋଲିଂ ପାଇଁ ବେଶ୍ ଜଣାଶୁଣା। ବର୍ତ୍ତମାନ ପର୍ଯ୍ୟନ୍ତ ସେ ୧୯ ଟେଷ୍ଟ, ୬୭ ଏକଦିବସୀୟ ଏବଂ ୫୦ଟି ୨୦-୨୦ ମ୍ୟାଚ୍ ଖେଳିଛନ୍ତି। ଏବେ ୨୭ ବର୍ଷର ହୋଇଥିବା ବୁମରା ମାତ୍ର ୧୪ ବର୍ଷ ବୟସରୁ କ୍ରିକେଟର ହେବାକୁ ନିଷ୍ପତ୍ତି ନେଇଥିଲେ। ଟିମ୍ ଇଣ୍ଡିଆକୁ ବିଶ୍ୱକପ୍ ଜିତାଇଥିବା କୋଚ୍ ଜନ୍ ରାଇଟ୍ ବୁମରାଙ୍କ ପ୍ରତିଭାକୁ ଜାଣିପାରି ତାଙ୍କୁ ମୁମ୍ବାଇ ଇଣ୍ଡିଆନ୍ସରେ ଖେଳିବାକୁ ସୁଯୋଗ ଦେଇଥିଲେ। ଏହା ପରେ ବୁମରା ଆଉ ପଛକୁ ଫେରି ଚାହିଁ ନ ଥିଲେ। ଏବେ ସେ ଭାରତୀୟ ଦଳର କିମ୍ବଦନ୍ତୀ ଖେଳାଳିଙ୍କ ମଧ୍ୟରେ ଅନ୍ୟତମ। ଏକ ସାକ୍ଷାତକାରରେ ବୁମରା ତାଙ୍କ ଜୀବନର ସଂଗ୍ରାମ ବିଷୟରେ କହିଥିଲେ। ମାତ୍ର ୫ ବର୍ଷ ବୟସରେ ବାପା ତାଙ୍କୁ ଛାଡି ଚାଲିଯାଇଥିଲେ ପରପାରିକୁ। ଏହା ପରେ ତାଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା। ମା’ ଏବଂ ବଡ଼ ଭଉଣୀ ତାଙ୍କୁ ପାଳିପୋଷି ବଡ଼ କରିଥିଲେ। ସେହି ସମୟରେ ବୁମରାଙ୍କ ପାଖରେ କେବଳ ଗୋଟିଏ ହଳ ପୋଷାକ ଏବଂ ଗୋଟିଏ ହଳ ଯୋତା ଥିଲା। ସେ ଏହାକୁ ଧୋଇ ଶୁଖାଇ ପିନ୍ଧୁଥିଲେ। ଆଉ ଗୋଟିଏ ହଳ ପୋଷାକ ଏବଂ ଯୋତା କିଣିବାକୁ ମଧ୍ୟ ତାଙ୍କ ପାଖରେ ଟଙ୍କା ନ ଥିଲା। ବୁମରା ପ୍ରଥମ ଥର ମ୍ୟାଚ୍ ଖେଳୁଥିବା ଦେଖି ତାଙ୍କ ମା’ କାନ୍ଦି ପକାଇଥିବା ସେ ସାକ୍ଷାତକାରରେ କହିଥିଲେ। ଏବେ ବୁମରା ୧୪ କୋଟି ଟଙ୍କା ଦରମା ପାଉଛନ୍ତି। ବିସିସିଆଇ ଠାରୁ ୭ କୋଟି ଏବଂ ମୁମ୍ବାଇ ଇଣ୍ଡିଆନ୍ସରୁ ୭ କୋଟି ଟଙ୍କା ପାଉଛନ୍ତି।