ଜୟପୁର,୧୦।୩: ରାଜସ୍ଥାନର ଧୋଲପୁର ଜିଲାର ଗନିମତରେ ଏକ ଅଭାବନୀୟ ଘଟଣା ଘଟିଛି। ଏଠାରେ ସୋବରନ ସିଂ ନାମକ ଜଣେ ୬୦ ବର୍ଷ ବୟସ୍କ ବ୍ୟକ୍ତି ଦ୍ୱିତୀୟ ବିବାହ ପାଇଁ ଜିଦ୍ କରି ପରିବାର ସଦସ୍ୟଙ୍କ ସହିତ ପାଟି ତୁଣ୍ଡ କରିଥିଲେ। ଶେଷରେ ସେ ଫିଲ୍ମ ଷ୍ଟାଇଲରେ ୧୧ କେଭି ଖୁଣ୍ଟରେ ଚଢ଼ି ଆତ୍ମ ହତ୍ୟା କରିବାକୁ ଧମକ ଦେଇଥିଲେ। ତେବେ ଏନେଇ ମଢ଼ା ଭାଉ ବିଦ୍ୟୁତ୍ ସବ୍ ଷ୍ଟେଶନକୁ ଖବର ଦିଆଯାଇଥିଲା। ଖବର ମିଳିବା ପରେ ୧୧ କେଭି ଲାଇନ୍ରୁ ବିଦ୍ୟୁତ୍ ସଂଯୋଗ କାଟି ଦିଆଯାଇଥିଲା। ତେଣୁ ସୋବରନ୍ ତାରକୁ ଧରିଲେ ମଧ୍ୟ କୌଣସି କ୍ଷତି ହୋଇ ନ ଥିଲା। ପରେ ପୁଅ ଖୁଣ୍ଟରେ ଚଢ଼ି ବୁଝାସୁଝା କରି ତାଙ୍କୁ ତଳକୁ ଆଣିଥିଲେ। ସୋବରନଙ୍କର ୫ ଜଣ ସନ୍ତାନ ଅଛନ୍ତି। ୪ ବର୍ଷ ତଳେ ତାଙ୍କ ସ୍ତ୍ରୀଙ୍କର ମୃତ୍ୟୁ ଘଟିଥିଲା। ସେ ପୁଣି ବିବାହ କରିବା ଲାଗି ମାର୍ଚ୍ଚ ୭ରେ ପୁଅମାନଙ୍କ ସହିତ ପରିବାରର ଅନ୍ୟ ସଦସ୍ୟଙ୍କୁ ଜଣାଇଥିଲେ। ତେବେ ସେମାନେ ଏଥିରେ ଅମଙ୍ଗ ହୋଇଥିଲେ। ଏଥିରେ ଉତ୍କ୍ଷୀପ୍ତ ହୋଇ ସୋବରନ୍ ଏଭଳି କରିଥିବା ସ୍ଥାନୀୟ ମନିୟାଂ ଥାନା ଏସ୍ଏଚ୍ଓ ସୁୁମନ କୁମାର ସୂଚନା ଦେଇଛନ୍ତି। ଏବେ ସୋବରନ ଖୁଣ୍ଟରେ ଚଢୁଥିବାର ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।