ବୁଗୁଡା,୨୨ା୪: ଗଞ୍ଜାମ ଜିଲା ବୁଗୁଡ଼ା ଥାନା ଅଞ୍ଚଳର ଜନୈକା ଛାତ୍ରୀଙ୍କୁ ଅପହରଣ ଅଭିଯୋଗରେ ପୋଲିସ ଗୁରୁବାର ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏନେଇ ବୁଗୁଡ଼ା ଥାନାରେ ଏକ ମାମଲା ରୁଜୁ ହୋଇଛି। ଅନ୍ୟଜଣେ ଫେରାର ଥିବା ଜଣାପଡିଛି। ପ୍ରକାଶ ଯେ, ବୁଗୁଡ଼ା ଥାନା ଅଞ୍ଚଳର ଏହି ନାବାଳିକା ଛାତ୍ରୀ ବୁଧବାର ସ୍ଥାନୀୟ ଏକ କୋଚିଂ ସେଣ୍ଟରକୁ ଆସିଥିଲେ। କ୍ଲାସ ସରିବା ପରେ ଛାତ୍ରୀ ଜଣକ ସହପାଠୀ ସାଙ୍ଗରେ ସେଣ୍ଟର ବାହାରେ ଠିଆ ହୋଇଥିଲେ। ସେତିକିବେଳେ ଛାତ୍ରୀଙ୍କୁ ଅପହଣର କରି ନିଆଯାଇଥିଲା। ଏନେଇ ଛାତ୍ରୀଙ୍କ ପରିବାର ଲୋକେ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ ହୋଇଥିଲା।