ହାଇଦ୍ରାବାଦ୍,୨୦।୧୦:ହାଇଦ୍ରାବାଦର ଜଣେ ଛାତ୍ରୀ ଚାଉଳରେ ଭଗବତ୍ ଗୀତା ଲେଖିବାର କୀର୍ତ୍ତିମାନ ସ୍ଥାପନ କରିଛନ୍ତି। ଆଇନ ଅଧ୍ୟୟନ କରୁଥିବା ରାମଗିରି ସ୍ବାରିକା ୪୦୪୨ଟି ଚାଉଳ ଦାନାରେ ଗୀତା ଲେଖିଛନ୍ତି। ସ୍ବାରିକା ତାଙ୍କ ନୂତନ ମାଇକ୍ରୋ ଆର୍ଟ ପ୍ରୋଜେକ୍ଟ ଅଧୀନରେ ଏହି କାର୍ଯ୍ୟ କରିଛନ୍ତି। ଏହାକୁ କରିବାକୁ ତାଙ୍କୁ ପ୍ରାୟ ୧୫୦ ଘଣ୍ଟା ନେଇଥିଲା। ମାଇକ୍ରୋ ଆର୍ଟ ଯୋଗୁ ସ୍ବାରିକାଙ୍କୁ ଅନେକ ଥର ପୁରସ୍କୃତ କରାଯାଇଛି। ମାଇକ୍ରୋ ଆର୍ଟ ତିଆରି ପାଇଁ ମୁଁ ଅନେକ ଉତ୍ପାଦ ବ୍ୟବହାର କରେ। ବିଶେଷ କଥା ହେଉଛି ସ୍ବାରିକା ଏହି କାର୍ଯ୍ୟରେ ମ୍ୟାଗ୍ନିଫାଇଙ୍ଗ୍ ଗ୍ଲାସ ବ୍ୟବହାର କରନ୍ତି ନାହିଁ। ଏହା ବ୍ୟତୀତ ସେ କ୍ଷୀର, କାଗଜ ଏବଂ ତେଲ ମଞ୍ଜି ସାହାଯ୍ୟରେ କଳା କୌଶଳ ମଧ୍ୟ କରିଛନ୍ତି। ଗତ ବର୍ଷ ନଭେମ୍ବର ୨୬ରେ ଜାତୀୟ ଆଇନ ଦିବସ ପାଳନ କରିବାକୁ ସ୍ବାରିକା କେଶରେ ସମ୍ବିଧାନର ପ୍ରସ୍ତାବନା ଲେଖିଥିଲେ। ଏଥିପାଇଁ ସେ ପ୍ରଥମେ ବିଭିନ୍ନ ପ୍ରକାରର କେଶ ସଂଗ୍ରହ କରି ପରେ ଏକ କାର୍ଡରେ ଅଠା ସାହାଯ୍ୟରେ ଲଗାଇଥିଲେ। ଏହା ପରେ ସେ ଏକ ପତଳା ବ୍ରଶ ଏବଂ ଧଳା ରଙ୍ଗ ସାହାଯ୍ୟରେ ଏହାକୁ ଲେଖିଥିଲେ। ଏହି କାର୍ଯ୍ୟ ପାଇଁ ତାଙ୍କୁ ତେଲେଙ୍ଗାନାର ରାଜ୍ୟପାଳ ତାମିଲିସାଇ ସୌନ୍ଦାରାଜନ ମଧ୍ୟ ସମ୍ମାନିତ କରିଛନ୍ତି। ଏହା ବ୍ୟତୀତ ତାଙ୍କୁ ଉତ୍ତର ଦିଲ୍ଲୀ ସାଂସ୍କୃତିକ ଏକାଡେମୀ ଦ୍ୱାରା ଜାତୀୟ ପୁରସ୍କାର ମଧ୍ୟ ଦିଆଯାଇଛି। ୨୦୧୭ ଏବଂ ୨୦୧୯ ରେ ଆନ୍ତର୍ଜାତୀୟ ଅର୍ଡର ବୁକ ଅଫ ରେକର୍ଡସ ପୁରସ୍କାର ତାଙ୍କୁ ମିଳିଛି। ଏପର୍ଯ୍ୟନ୍ତ ସେ ୨୦୦୦ରୁ ଅଧିକ ମାଇକ୍ରୋ ଆର୍ଟ ଉପରେ କାମ କରିଛନ୍ତି ମୁଁ ସର୍ବଦା କଳା ଏବଂ ସଙ୍ଗୀତ ପ୍ରତି ଆଗ୍ରହୀ ଥିଲି ଏବଂ ପିଲାଦିନରୁ ଅନେକ ପୁରସ୍କାର ଜିତିଥିଲି। ଚାରି ବର୍ଷ ପୂର୍ବେ ଚାଉଳ ଶସ୍ୟରେ ଭଗବାନ ଗଣେଶଙ୍କ ଚିତ୍ର କରି ମୁଁ ମାଇକ୍ରୋ ଆର୍ଟ କାର୍ଯ୍ୟ ଆରମ୍ଭ କରିଥିଲି।ଏହା ପରେ ଚାଉଳର ଏକ ଶସ୍ୟ ଉପରେ ଇଂରାଜୀର ସମ୍ପୂର୍ଣ୍ଣ ବର୍ଣ୍ଣମାଳା ଲେଖିଥିଲି ବୋଲି ସ୍ବାରିକା କହିଛନ୍ତି। ଭବିଷ୍ୟତରେ ଜଣେ ବିଚାରପତି ଏବଂ ମହିଳାମାନଙ୍କ ପାଇଁ ଏକ ପ୍ରେରଣା ହେବାକୁ ସେ ଚାହୁଁଥିବା କହିଛନ୍ତି।