ବଲାଙ୍ଗୀର ଅଫିସ,୫।୨: ଅଗ୍ରଣୀ ସାମାଜିକ ସାଂସ୍କୃତିକ ସଙ୍ଗଠନ ଭୂମିକା ପକ୍ଷରୁ ସ୍ଥାନୀୟ ବଲାଙ୍ଗୀର ପବ୍ଲିକ ସ୍କୁଲରେ ରବିବାର ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ବଲାଙ୍ଗୀର ସହରର ବିଭିନ୍ନ ସ୍କୁଲର ୨୦୦ରୁ ଊଦ୍ଧର୍ବ ଛାତ୍ରୀଛାତ୍ର ଯୋଗଦେଇ ଚିତ୍ର ଆଙ୍କି ନିଜ ପ୍ରତିଭା ପ୍ରଦର୍ଶନ କରିଥିଲେ।
କନିଷ୍ଠ ବିଭାଗରେ ଜଗନମୟୀ ଦାସ ପ୍ରଥମ, ପ୍ରତ୍ୟାଶା ବିଶ୍ୱାଳ ଦ୍ୱିତୀୟ ଓ ଅଭିଳାଷ ଦାସ ତୃତୀୟ ସ୍ଥାନ ଅଧିକାର କରିଥିବା ବେଳେ ବରିଷ୍ଠ ବିଭାଗରେ ମାନବ ବର୍ମା ପ୍ରଥମ, ଗୌରବ ଜଗଦଲା ଦ୍ୱିତୀୟ ଏବଂ ସୂର୍ଯ୍ୟ ନନ୍ଦ ତୃତୀୟ ସ୍ଥାନ ଅଧିକାର କରିଥିଲେ। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବଲାଙ୍ଗୀର ଉପଜିଲାପାଳ କୁମାର ନାଗଭୂଷଣ, ଭୂମିକା ସଭାପତି ଚିତ୍ତରଞ୍ଜନ ଦାଶ, ସମ୍ପାଦକ ରାଜୀବ ଲୋଚନ ଷଡ଼ଙ୍ଗୀ ପ୍ରମୁଖ ଯୋଗଦେଇ କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ। ଉଭୟ ବର୍ଗର ଶ୍ରେଷ୍ଠ ୨୦ ଛାତ୍ରୀଛାତ୍ରଙ୍କୁ ନେଇ ଏକ କର୍ମଶାଳା ମଧ୍ୟ ଆୟୋଜନ କରାଯିବ। ଅନ୍ୟମାନଙ୍କ ମଧ୍ୟରେ ଭୂମିକାର ବିଚାରକ ଭାବେ ମହେନ୍ଦ୍ର ମଲ୍ଲିକ, ପ୍ରଭାସ ଷଡ଼ଙ୍ଗୀ, ରୁଦ୍ରଦେବ ପ୍ରଧାନ ଓ ଭୂମିକାର ସଦସ୍ୟ ବ୍ୟାସଦେବ ନନ୍ଦ, ମୁକେଶ ବହିଦାର, କୃଷ୍ଣ ମହାପାତ୍ର, ଶିରିଷ ହୋତା, ନୟନ ମହାନ୍ତି, ସୋମ ନାଏକ, ଶକ୍ତି ଦତ୍ତ ମିଶ୍ର, ସୋମେନ୍ଦ୍ର ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।