ବୋଡେନ,୨୦।୧୧(ଡି.ଏନ୍.ଏ.): ଜଣେ ଯୁକ୍ତ ଦୁଇ ଛାତ୍ର ମୋବାଇଲ କିଣିବାକୁ ବାପାଙ୍କୁ ପଇସା ମାଗିଲେ। ବାପା ଧାନ ବିକ୍ରି ପରେ ମୋବାଇଲ କିଣିବାକୁ କହିଥିଲେ। ହେଲେ ଛାତ୍ର ଜଣକ ରାଗି ଦଉଡ଼ି ଦେଇ ଆମତ୍ହତ୍ୟା କରିଛନ୍ତି। ଏଭଳି ଏକ ଅଭାବନୀୟ ଘଟଣା ଘଟିଛି ନୂଆପଡ଼ା ଜିଲା ବୋଡେନ ଥାନା କର୍ଲାକୋଟ ପଞ୍ଚାୟତ ଅଧୀନ କିରେକେଲା ଗ୍ରାମରେ।
ମିଳିଥିବା ସୂଚନା ମୁତାବକ, କିରେକେଲା ଗ୍ରାମର ଓଙ୍କାର ମାଝି(୧୭) ଯୁକ୍ତ ୨ରେ ପଢୁଥିଲେ। ଓଙ୍କାର ମୋବାଇଲ କିଣିବାକୁ ବାପାଙ୍କୁ କହି ଆସୁଥିଲେ। ହେଲେ ସେ ୧୪ତାରିଖରେ ମୋବାଇଲ୍ କିଣିବାକୁ ଜିଦ୍ ଧରିଥିଲେ। ହେଲେ ବାପା ପଇସା ନାହିଁ, ଧାନ ବିକିବା ପରେ ମୋବାଇଲ୍ କିଣିବାକୁ କହିଥିଲେ। ଏଥିରେ ଉତ୍କ୍ଷିପ୍ତ ହୋଇ ଓଙ୍କାର ଘରୁ ଚାଲି ଯାଇଥିଲେ। ପରିବାର ଲୋକେ ତାଙ୍କୁ ବହୁ ଖୋଜାଖୋଜି ପରେ ମଧ୍ୟ କୌଣସି ପତ୍ତା ପାଇ ନ ଥିଲେ। ନିଖୋଜ ୫ଦିନ ପରେ ଶନିବାର ଗାଁ ପାଖ ଜଙ୍ଗଲ ଏକ ଗଛରେ ଓଙ୍କାରଙ୍କ ମୃତଦେହ ଝୁଲନ୍ତା ଅବସ୍ଥାରେ ଗାଁ ଲୋକେ ଦେଖି ପରିବାର ଲୋକଙ୍କୁ ଜଣାଇଥିଲେ। ଏନେଇ ପରିବାର ଲୋକେ ବୋଡେନ ଥାନାକୁ ଜଣାଇଥିଲେ। ପୋଲିସ ପହଞ୍ଚି ମୃତଦେହ ଜବତ କରି ରବିବାର ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏନେଇ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
