ପାଟନା,୧୧।୧୧ : ପିଲାଦିନେ ଅଧିକାଂଶ ସ୍କୁଲକୁ ଯିବାକୁ ଅମଙ୍ଗ ହୋଇଥାନ୍ତି। ପିଲାଦିନେ ସ୍କୁଲ ନ ଯିବା ପାଇଁ ସମସ୍ତଙ୍କର ନିଜସ୍ବ କାରଣ ଥିଲା। ତେବେ ଆଜିର ଆଧୁନିକ ଶିକ୍ଷା ବ୍ୟବସ୍ଥାରେ ସବୁକିଛି ବଦଳି ଯାଇଛି। କୁହାଯାଏ ଯେ ପୂର୍ବରୁ ଯେତେବେଳେ ପିଲାମାନେସ୍କୁଲକୁ ନ ଯାଉଥିଲେ ସେତେବେଳେ ଶିକ୍ଷକ ନିଜେ ଆସି ପିଲାଟିକୁ ସ୍କୁଲକୁ ନେଇଥିଲେ। ଏବେ ସେହିଭଳି ଏକ ଘଟଣା ସହ ଜଡିତ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି। ଯେଉଁଥିରେ ଶିକ୍ଷକ ପିଲାକୁ ଘରୁ ସ୍କୁଲକୁ ନେବାକୁ ଆସିଛନ୍ତି। ଏହି ଭିଡିଓ ଦେଖିବା ପରେ ଅନେକେ ପୁରୁଣା ଦିନଗୁଡ଼ିକୁ ମନେ ପକାଇଛନ୍ତି।
ସୋସିଆଲ ମିଡିଆରେ ସାମ୍ନାକୁ ଆସିଥିବା ଏହି ଭିଡିଓ ବିହାରର ଛାପରାର ବୋଲି ଜଣାପଡିଛି। ଯେଉଁଥିରେ ଶିକ୍ଷକ ସ୍କୁଲକୁ ନ ଆସି ଲୁଚିଥିବା ଛାତ୍ରଙ୍କୁ ତାଙ୍କର ସହପାଠୀଙ୍କ ସହିତ ଘରୁ ଟେକି ଟେକି ସ୍କୁଲକୂ ନେଇଛନ୍ତି। ଏହି ଭିଡିଓ ଦେଖିବା ପରେ ସମସ୍ତେ ସୋସିଆଲ ମିଡିଆରେ ନିଜର ପ୍ରତିକ୍ରିୟା ଦେଉଛନ୍ତି। ପିଲା ସ୍କୁଲକୁ ନ ଆସିବା କାରଣରୁ ଶିକ୍ଷକ ଏକ ବାଡ଼ି ଆଣି ତାକୁ ପିଟି ପିଟି ସ୍କୁଲକୁ ନେଉଛନ୍ତି। ଭିଡିଓରେ ଦେଖାଯାଉଛି ସ୍କୁଲ ୟୁନିଫର୍ମରେ ଥିବା ଚାରିଜଣ ସହପାଠୀ ସମ୍ପୃକ୍ତ ଛାତ୍ରଙ୍କୁ ଟେକି ଟେକି ନେଉଛନ୍ତି ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓକୁ ଏପର୍ଯ୍ୟନ୍ତ ଦୁଇ ଲକ୍ଷରୁ ଅଧିକ ଥର ଦେଖାଯାଇଛି। ଏଥି ସହିତ ଶହ ଶହ ଲୋକ ମନ୍ତବ୍ୟ ଦେଇଛନ୍ତି। ଭିଡିଓ ଦେଖିବା ପରେ ଜଣେ ବ୍ୟକ୍ତି ଲେଖିଛନ୍ତି ସେ ତାଙ୍କର ପୁରୁଣା ଦିନଗୁଡ଼ିକୁ ମନେ ପକାଉଛନ୍ତି। ଯେତେବେଳେ ପିଲାଟି ନ ଆସିବାରୁ ପାଇଁ ଗୁରୁ ଚିନ୍ତିତ ହୋଇ ତାଙ୍କୁ ଘରୁ ଅଣିବାକ ଘରେ ପହଞ୍ଚୁଥିଲେ। କିନ୍ତୁ ଆଜି ଏହାର ବିପରୀତ ଘଟଣା ଘଟୁଛି। ପିଲାମାନେ ସରକାରୀ ବିଦ୍ୟାଳୟରେ ଆଡମିଶନ ନେଉନାହାଁନ୍ତି। ପିଲା ଶ୍ରେଣୀକୁ ନ ଆସିଲେ ଶିକ୍ଷକମାନେ ଚାକିରି ହରାଉଛନ୍ତି କିମ୍ବା ସ୍ଥାନାନ୍ତରିତ ହେଉଛନ୍ତି।