ନୂଆଦିଲ୍ଲୀ: ବର୍ତ୍ତମାନ ସମୟରେ ସୋସିଆଲ ମିଡିଆ ଅନେକଙ୍କ ଟ୍ୟାଲେଣ୍ଟ ଦର୍ଶାଇବାର ମାର୍ଗ ସାଜିଛି। ତେବେ ନିକଟରେ ଜଣେ ମହିଳା ତାଙ୍କ ସୁଇମିଂ ଟ୍ୟାଲେଣ୍ଟ ଦେଖାଇଛନ୍ତି। ଯାହା ଦେଖି ଲୋକେ ଆଶ୍ଚର୍ଯ୍ୟ ହେଉଛନ୍ତି। ଭାଇରାଲ ଭିଡିଓରେ ମହିଳା ଜଣକ ପାଣି ଭିତରେ ଷ୍ଟଣ୍ଟ୍ କରୁଥିବା ଦେଖିବାକୁ ମିଳିଛି, ଯାହା ଅତି କଷ୍ଟକର। ଭିଡିଓରେ ଦେଖିବାକୁ ମିଳିଛି, ମହିଳା ଜଣକ ଏକ ସୁଇମିଂ ପୁଲ୍ ଭିତରକୁ ଯାଉଛନ୍ତି। ତା’ ଭିତରେ ସେ ଓଜନଦାର ଡମ୍ବଲକୁ ଉଠାଇଥିବା ଦେଖିବାକୁ ମିଳିଛି। ଏହା ମଧ୍ୟରେ ମହିଳା ଜଣକ ଡମ୍ବଲକୁ ନେଇ ପାଣି ଭିତରେ ଦୌଡୁଥିବା ମଧ୍ୟ ଦେଖିବାକୁ ଲାଗିଛି। ସେ ସମସ୍ତ କାର୍ଯ୍ୟ ପାଣି ଭିତରେ ରହି କରୁଛନ୍ତି। ଏଥିପାଇଁ ସେ ଅମ୍ଳଜାନ ପାଇପ ମଧ୍ୟ ବ୍ୟବହାର କରି ନାହାନ୍ତି। ୧ ମିନିଟ୍ ୧୭ ସେକେଣ୍ଡର ଏହି ଭିଡିଓ ଦେଖିବାକୁ ମିଳିଛି। ପାଣି ଭିତରେ ତାଙ୍କ ଏପରି ଷ୍ଟଣ୍ଟ ଲୋକଙ୍କୁ ବେଶ୍ ଆଶ୍ଚର୍ଯ୍ୟ କରିଛି।
