ସୋହେଲା,୯।୯(ଡି.ଏନ.ଏ.):ଅଭାବ ଅନଟନ ସଫଳତାରେ ବାଧା ସୃଷ୍ଟି କରିପାରେ କିନ୍ତୁ ଅଟକାଇ ପାରେନାହିଁ। ଏହାର ଏକ ଉଦାହରଣ ସାଜିଛନ୍ତି ସୋହେଲା ବ୍ଲକ କନଗାଁ ପଞ୍ଚାୟତର ବୁଡ଼ାମାଲ ଗ୍ରାମର ଶିଶିର କଲାରୀ। ପିତା ଧନେଶ୍ୱର ଓ ମାତା ପଦ୍ମିନୀଙ୍କ ପୁଅ ଶିଶିର ପିଲାଟି ଦିନରୁ ମେଧାବୀ ଛାତ୍ର ଅଟନ୍ତି। ଧନେଶ୍ୱର ଜଣେ ବୁଣାକାର। ଅଭାବ ଅନଟନ ଭିତରେ ରହି ଶିଶିର ବୁଡ଼ାମାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ତୃତୀୟ ଓ ପଞ୍ଚମ ଶ୍ରେଣୀରେ ମେଧାବୃତ୍ତି ପାଇଥିଲେ। ଏହାପରେ ନବୋଦୟ ବିଦ୍ୟାଳୟରେ ପ୍ରବେଶିକା ପାଇଥିଲେ। ସେଠାରେ ଦଶମ ଶ୍ରେଣୀରେ କୃତକାର୍ଯ୍ୟ ହୋଇ ପୁନେରେ ଏକାଦଶ, ଦ୍ୱାଦଶ ଶ୍ରେଣୀରେ ପାଠ ପଢିବା ସହ ନିଟ୍ ପାଇଁ ପ୍ରସ୍ତୁତି କରୁଥିଲେ। କୋଭିଡ ମହାମାରୀ ସମୟରେ ସେ ଘରକୁ ଆସିବାକୁ ବାଧ୍ୟ ହେଲେ। ମାତ୍ର ହାର୍ ନ ମାନି ଅଧ୍ୟୟନ ଜାରି ରଖିଥିଲେ। ଦ୍ବିତୀୟ ପ୍ରୟାସରେ ନିଟ୍ ପରୀକ୍ଷାରେ ସେ ୧୮୪୨୪ ସର୍ବଭାରତୀୟ ର଼୍ୟାଙ୍କ ରଖିଛନ୍ତି। କାଟାଗୋରି ର଼୍ୟାଙ୍କ ୩୧୩ ଅଛି। ଶିଶିର ନିଜ ସଫଳତାର ଶ୍ରେୟ ମାତାପିତା, ସମସ୍ତ ଶିକ୍ଷକଙ୍କୁ ଦେଇଛନ୍ତି। ଭବିଷ୍ୟତରେ ସେ ଜଣେ ହୃଦ୍ରୋଗ ବିଶେଷଜ୍ଞ ହେବାକୁ ଲକ୍ଷ୍ୟ ରଖିଛନ୍ତି।