ନୂଆଦିଲ୍ଲୀ,୩୦।୧୦ : ମନ କି ବାତ୍ର ୯୪ ତମ ଏପିସୋଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ସମ୍ବୋଧିତ କରିଛନ୍ତି। ସର୍ବପ୍ରଥମେ ସେ ଛଠ୍ ମହୋତ୍ସବରେ ଦେଶବାସୀଙ୍କୁ ଅଭିନନ୍ଦନ ଜଣାଇ କହିଛନ୍ତି ଯେ ଏହି ପର୍ବ ସ୍ବଚ୍ଛତା ଉପରେ ଗୁରୁତ୍ୱ ଦେଇଥାଏ। କିଷାନ କୁସୁମ ଯୋଜନା ବିଷୟରେ ଉଲ୍ଲେଖ କରି ସେ ସୌର ଶକ୍ତି ଏବଂ ମହାକାଶ କ୍ଷେତ୍ରରେ ଭାରତର ସଫଳତା ବିଷୟରେ ମଧ୍ୟ କହିଛନ୍ତି। ଏହି ଦୁଇ କ୍ଷେତ୍ର ଦେଶର ବିକାଶ ପାଇଁ ଗୁରୁତ୍ୱପୂର୍ଣ୍ଣ। ଗୁଜରାଟର ମୋଢ଼େରା ଗାଁର ଉଦାହରଣ ଦେଇଛନ୍ତି ଏବଂ କହିଛନ୍ତି ଯେ ଏହା ଦେଖି ଅନ୍ୟ ଗାଁର ଲୋକମାନେ ମୋତେ ସେମାନଙ୍କ ଗାଁକୁ ସୌର ଗ୍ରାମରେ ପରିଣତ କରିବାକୁ ଲେଖୁଛନ୍ତି।
ଭାରତୀୟ ମହାକାଶ ଗବେଷଣା ସଂଗଠନ ଭାରତକୁ ବିଶ୍ୱ ବାଣିଜ୍ୟ ବଜାରରେ ଏକ ଶକ୍ତିଶାଳୀ ସ୍ଥିତି ପ୍ରଦାନ କରିପାରିଛି।
ଏପରି ଏକ ସମୟ ଥିଲା ଯେତେବେଳେ ଭାରତକୁ କ୍ରାୟୋଜେନିକ ଟେକ୍ନୋଲୋଜି ଦେବାକୁ ମନା କରାଯାଇଥିଲା। କିନ୍ତୁ ଭାରତ ନିଜେ ଏହି କାର୍ଯ୍ୟ କରିଛି ଏବଂ ଆଜି ଏହା ନିଜସ୍ବ ଟେକ୍ନୋଲୋଜି ସହିତ ଉପଗ୍ରହ ଉତକ୍ଷେପଣ କରୁଛି।
ସମଗ୍ର ବିଶ୍ୱ ଏହାର ଭବିଷ୍ୟତକୁ ସୌର ଶକ୍ତି ଉପରେ କେନ୍ଦ୍ରିତ କରିଛି। ଆମେ ଆମର କୃଷକ ଭାଇମାନଙ୍କ ପାଇଁ କିଷାନ କୁସୁମ ଯୋଜନା ଆରମ୍ଭ କଲୁ। ଯେଉଁଥିରେ କୃଷକମାନେ ସୌର ପମ୍ପ ସ୍ଥାପନ କରୁଛନ୍ତି। ବର୍ତ୍ତମାନ କୃଷକମାନେ ସୌର ଶକ୍ତିରୁ ରୋଜଗାର କରି ପାରୁଛନ୍ତି। ସେ ତାମିଲନାଡୁର କାଞ୍ଚିପୁରମର ଜଣେ କୃଷକ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ଯିଏ ତାଙ୍କ ଫାର୍ମରେ ୧୦ ହର୍ସ ପାଓ୍ବାରର ଏକ ସୌର ପମ୍ପ ସେଟ ସ୍ଥାପନ କରିଛି । ସୌର ଶକ୍ତି ରୋଜଗାରର ନୂତନ ମାଧ୍ୟମ ପାଲଟିଥିବା ପ୍ରଧାନମନ୍ତ୍ରୀ
କହିଛନ୍ତି।