ହାଇଦ୍ରାବାଦ,୨୯।୫ : ନାଭିଗେଶନ ଉପଗ୍ରହ ଏନଭିଏସ-୧ର ସଫଳ ଉତକ୍ଷେପଣ କରାଯାଇଛି। ଏହା ଦ୍ୱାରା ନାବିକ ଏବଂ ଯବାନମାନଙ୍କର ଶକ୍ତି ବୃଦ୍ଧି ପାଇବ। ସ୍ପେସ ରିସର୍ଚ୍ଚ ଅର୍ଗାନାଇଜେସନ (ଇସ୍ରୋ) ସୋମବାର ପୂର୍ବାହ୍ନ ୧୦ଟା ୪୨ରେ ଶ୍ରୀହରିକୋଟାର ଜିଓଷ୍ଟେସନାରୀ ସାଟେଲାଇଟ ଲଞ୍ଚ ଯାନ (ଜିଏସଏଲଭି) ରୁ ନାଭିଗେଶନ ଉପଗ୍ରହ ‘ନାଭିକ’ ଏନଭିଏସ-୧ ଉତକ୍ଷେପଣ ହୋଇଛି।
ଏହି ଉପଗ୍ରହ ସଶସ୍ତ୍ର ବାହିନୀକୁ ଶକ୍ତିଶାଳୀ କରିବା ଏବଂ ପରିବହନ ସେବା ଉପରେ ନଜର ରଖିବା ପାଇଁ ସ୍ବତନ୍ତ୍ର ଭାବରେ ପରିକଳ୍ପନା କରାଯାଇଛି । ଆମେରିକାରର ଗ୍ଲୋବାଲ ପୋଜିସନ ସିଷ୍ଟମ (ଜିପିଏସ) ଭଳି ଏହା କାର୍ଯ୍ୟ କରିବ। ଏହା ପୃଥିବୀ, ବାୟୁ ଏବଂ ସମୁଦ୍ର ପରିବହନ, ଅବସ୍ଥାନ ଭିତ୍ତିକ ସେବା, ବ୍ୟକ୍ତିଗତ ଗତିଶୀଳତା, ଉତ୍ସ ମନିଟରିଂ, ସର୍ବେକ୍ଷଣ ଏବଂ ଜିଓଡେସି, ବୈଜ୍ଞାନିକ ଅନୁସନ୍ଧାନ, ସମୟ ବିସ୍ତାର କରିବା ସହିତ ଜରୁରୀକାଳୀନ ପରିସ୍ଥିତିରେ ସହାୟତା ଯୋଗାଇବାକୁ ସକ୍ଷମ ହେବ।
ଏହି ସାଟେଲାଇଟର ଓଜନ ୨୨୩୨ କିଲୋଗ୍ରାମ। ଶ୍ରୀହାରିକୋଟାଠାରେ ଅବସ୍ଥିତ ସତୀଶ ଧାୱନ କେନ୍ଦ୍ରରେ ଏହାକୁ ନିର୍ମାଣ କରାଯାଇଛି।
ଉତକ୍ଷେପଣର ୨୦ ମିନିଟ ପରେ, ରକେଟ ଉପଗ୍ରହକୁ ଜିଓଷ୍ଟେସନାରୀ ଟ୍ରାନ୍ସଫର୍ କକ୍ଷପଥରେ ପ୍ରାୟ ୨୫୧ କିଲୋମିଟର ଉଚ୍ଚରେ ସ୍ଥାପନ କରିବ। ଏହା ୧୫୦୦ କିଲୋମିଟର ଅଞ୍ଚଳରେ ପ୍ରକୃତ ସମୟ ସ୍ଥିତି ଏବଂ ସମୟ ସେବା ପ୍ରଦାନ କରିବ ।
