ଶ୍ରୀହରିକୋଟା,୨୬।୧୧ : ସମୁଦ୍ରର ବୈଜ୍ଞାନିକ ଅଧ୍ୟୟନ ଏବଂ ସାଇକ୍ଲୋନ ଉପରେ ନଜର ରଖିବା ପାଇଁ ଇସ୍ରୋ ଶନିବାର ତୃତୀୟ ପିଢିର ପିଏସଏଲଭି-ସି-୫୪ର ସଫଳ ଉତ୍କ୍ଷେପଣ କରିଛି। ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ରକେଟ ପିଏସଏଲଭି-ସି-୫୪ର ଆଠଟି ନାନୋ ଉପଗ୍ରହକୁ ପୃଥିବୀର କକ୍ଷପଥରେ ଅବସ୍ଥାନ କରିଛି।
ଶ୍ରୀହରିକୋଟାସ୍ଥିତ ସତୀଶ ଧାୱନ ସ୍ପେସ ସେଣ୍ଟରରୁ ଏହି ଉତକ୍ଷେପଣ କରାଯାଇଛି। ଏହା ହେଉଛି ୪୪.୪ ମିଟର ଉଚ୍ଚତା ରକେଟ ପିଏସଏଲଭି-ଏକ୍ସଏଲ। ଏହା ୩୨୧ ଟନ ଧଜନ ବୋହିବାକୁ ସକ୍ଷମ। ଏହା ହେଉଛି ରକେଟର ୨୪ ତମ ଉଡାଣ।
ପିଏସଏଲଭି-ସି-୫୪ ସଫଳତାର ସହିତ ଓସିନ ସାଟ୍କୁ ପୋଲାର କକ୍ଷପଥରେ ସ୍ଥାନିତ କରିଛି। ଇସ୍ରୋ ଅଧ୍ୟକ୍ଷ ଏସ.ସୋମନାଥ କହିଛନ୍ତି ଯେ ପିଏସଏଲଭି-ସି-୫୪ସଫଳତାର ସହ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହକୁ ଏହାର ଲକ୍ଷ୍ୟ କକ୍ଷପଥରେ ସ୍ଥାନିତ କରିଛି। ପୂର୍ବାହ୍ନ ୧୧ଟା ୫୬ ରେ ପୂର୍ବ ନିର୍ଦ୍ଧାରିତ ସମୟରେ ଏହା ଲଞ୍ଚ କରାଯାଇଥିଲା। ପିଏସଏଲଭି-ସି-୫୪ର ସଫଳ ଉତ୍କ୍ଷେପଣ ଉତକ୍ଷେପଣର ୧୭ ମିନିଟ ପରେ ଉଦ୍ଦିଷ୍ଟ କକ୍ଷପଥରେ ପହଞ୍ଚିବା ପରେ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ଓସିନସାଟ ସଫଳତାର ସହ ରକେଟରୁ ଅଲଗା ହୋଇଛି। ଏହା ପରେ ଏହା କକ୍ଷପଥରେ ସ୍ଥାପିତ ହୋଇଛି।
ଏହି ଅବସରରେ ବହିର୍ବ୍ୟାପାର ମନ୍ତ୍ରୀ ଏସ. ଜୟଶଙ୍କର କହିଛନ୍ତି ଯେ ଭୁଟାନର ଉପଗ୍ରହକୁ କକ୍ଷପଥରେ ଉପସ୍ଥାପିତ କରାଇ ଭାରତ ଦୁଇଦେଶଙ୍କର ସମ୍ପର୍କରେ ଏକ ଐତିହାସିକ ମାଇଲଖୁଣ୍ଟ ହାସଲ କରିଛି। ପିଏସଏଲଭି-ସି-୫୪ ରକେଟରେ ଓସିନସାଟ -୩ ସହିତ ନଅ ନାନୋସାଟେଲାଇଟ ପରିବହନ କରାଯାଇଛି।
