ଖଡ଼ିଆଳ,୫।୧୨(ଡି.ଏନ.ଏ.):ନୂଆପଡ଼ା ଜିଲା ଖଡ଼ିଆଳ ବ୍ଲକ ଭୋଜପୁର ଗ୍ରାମର ଚାଷୀ ଟିକଚନ ଭୋଇ ଆଜି ଜଣେ ସଫଳ ଧାନଚାଷୀ ହୋଇପାରିଛନ୍ତି। ସେ ସମ୍ପୂର୍ଣ ଭାବରେ ଜୈବିକ ପଦ୍ଧତିରେ ୨ଏକର ଜମିରେ ଧାନ ଚାଷ ଏବଂ ଅଣଧାନ ଚାଷ କରିଥିଲେ। ସେ ଭୋଜପୁର ଗ୍ରାମର ଜଣେ ଆଦର୍ଶ ଚାଷୀ ଭାବରେ ମଧ୍ୟ ନିଜର ନାମ ଅର୍ଜନ କରିପାରିଛନ୍ତି। ତାଙ୍କର କହିବା ଅନୁସାରେ କୃଷି ବିଜ୍ଞାନ ଛାତ୍ରୀ କୁମାରୀ ଅଲିଶା ସିଂ ଦଣ୍ଡସେନା, ବ୍ଲକ କୃଷି ଅଧିକାରୀ ସଞ୍ଜୟ ପାତ୍ର ତାଙ୍କୁ ପ୍ରେରଣା ଦେବା ସହ ଉତ୍ସାହିତ କରିଛନ୍ତି। ଅଲିଶା ସିଂ ଦଣ୍ଡସେନା ବ୍ଲକ କୃଷି ଅଧିକାରୀ ପାତ୍ର, ସହକାରୀ କୃଷି ଅଧିକାରୀ ସନ୍ତୋଷ କୁମାର ମେହେର, ଗାୟତ୍ରୀ ତାଣ୍ଡି, କୃଷି ଓଭରସିୟରଙ୍କୁ ବ୍ଲକ କୃଷି କାର୍ଯ୍ୟାଳୟରେ ଯାଇ ସାକ୍ଷାତ କରିଥିଲେ। ଅଲିଶା ସମସ୍ତଙ୍କ ସହିତ ନୂତନ କୃଷି ପ୍ରଣାଳୀ ଜ୍ଞାନ କୌଶଳ ସମ୍ପର୍କରେ ଆଲୋଚନା କରିଥିଲେ। ଆଲୋଚନା ପରେ ସଞ୍ଜୟ ପାତ୍ର ଅଲିଶା ସିଂ ଦଣ୍ଡସେନାଙ୍କୁ ଜୈବିକ ଚାଷ ଉପରେ ଅଧିକ ବୁଝାଇ ଥିଲେ। ଆଲୋଚନା ପରେ ସଞ୍ଜୟ ପାତ୍ର ଅଲିଶା ସିଂ ଦଣ୍ଡସେନାଙ୍କୁ ଜୈବକ ଚାଷ ପ୍ରଣାଳୀ ଉପରେ ଅଧିକ ବୁଝାଇଥିଲେ। ପଦ୍ଧତିକୁ କିପରି ଚାଷୀମାନଙ୍କ ପାଖରେ ଅଧିକରୁ ଅଧିକ ପହଞ୍ଚା ଯାଇପାରିବ ତାହା ଉପରେ ଆଲୋଚନା କରିଥିଲେ ଏବଂ ଅଲିଶା ବ୍ଲକ କୃଷି ଅଧିକାରୀଙ୍କ ତତ୍ତ୍ୱାବଧାନରେ ଅନୁପ୍ରାଣିତ ହୋଇ ଖଡ଼ିଆଳ ବ୍ଳକ ଭୋଜପୁର ଗ୍ରାମର ଚାଷୀମାନଙ୍କୁ ନେଇ ଏକ ସଭା କରିଥିଲେ। ଉକ୍ତ ସଭାରେ ଜୈବିକ ପଦ୍ଧତି ଉପରେ ପୁଙ୍ଖାନୁପୁଙ୍ଖ ଭାବରେ ଚାଷୀମାନଙ୍କୁ ଜୈବିକ ଚାଷ ପଦ୍ଧତି ଉପରେ ନିଜର ଜ୍ଞାନ ବାଣ୍ଟିଥିଲେ। ମଞ୍ଜିଠାରୁ ଆରମ୍ଭ କରି ଅମଳ ପର୍ଯ୍ୟନ୍ତ ଯେଉଁ ସବୁ ପଦ୍ଧତି ଅଛି ତାହା କହିଥିଲେ। ମାଟିର ଗୁରୁତ୍ୱ, ପରିବେଶ ସୁରକ୍ଷା ଖତ ପ୍ରୟୋଗ, ଯିବାମୃତ, ପଞ୍ଚ ଗବ୍ୟର ବ୍ୟବହାର, ରୋଗ ପୋକ ନିୟନ୍ତ୍ରଣ, ଚାଷୀମାନେ ବିସ୍ତୁତ ଭାବରେ ବୁଝାଇଥିଲେ। ଭୋଜପୁର ଗ୍ରାମର ଟିକଚନ ଜଣେ ଚାଷୀ ସମ୍ପୂର୍ଣ୍ଣ ଭାବରେ ଜୈବିକ ପଦ୍ଧତିରେ ୨ ଏକର ଚାଷ ଜମିରେ ଏକ ଏକର ଧାନ ଚାଷ ଏବଂ ଅଣ ଧାନ ଚାଷ କରିଥିଲେ। ସେ ଭୋଜପୁର ଗ୍ରାମର ଜଣେ ଆଦର୍ଶ ଚାଷୀ ଭାବରେ ନିଜର ନାମ ଅର୍ଜନ କରିପାରିଛନ୍ତି। ତାଙ୍କର କହିବା ଅନୁସାରେ ଯାହାବି ଆଜି ଜୈବିକ ପଦ୍ଧତିରେ ସଫଳତା ପାଇଛି ତାହାହିଁ ଶ୍ରେୟ ଅଲିଶା ଏବଂ ବ୍ଲକ କୃଷି ଅଧିକାରୀଙ୍କ ଉନ୍ନତ କୌଶଳର ଉପଦେଶ ଆଜି ଗୋଟିଏ ଆଦର୍ଶ ଚାଷୀ ଭାବରେ ଖଡ଼ିଆଳ ବ୍ଲକରେ ପରିଗଣିତ ହୋଇ ପାରିଛି।