ଓଡେଞ୍ଜ୍, ୧୪ା୧୦ (ପି.ଟି.)-ଭାରତର ଉଦୀୟମାନ ବ୍ୟାଡ୍ମିଣ୍ଟନ ଖେଳାଳି ଲକ୍ଷ୍ୟ ସେନ୍ ପ୍ରତିଯୋଗିତାକୁ ସଫଳ ପ୍ରତ୍ୟାବର୍ତ୍ତନ କରିଛନ୍ତି। ୭୫୦,୦୦୦ ଆମେରିକୀୟ ଡଲାର ପୁରସ୍କାର ବିଶିଷ୍ଟ ଡେନମାର୍କ ଓପନ୍ର ଓପନିଂ ରାଉଣ୍ଡରେ ସେ ଖ୍ରୀଷ୍ଟୋ ପୋପୋଭ୍ଙ୍କୁ ୨୧-୧୯, ୨୧-୧୫ରେ ହରାଇ ଦେଇଛନ୍ତି। ୧୯ବର୍ଷୀୟ ଲକ୍ଷ୍ୟ ପରବର୍ତ୍ତୀ ରାଉଣ୍ଡରେ ଡେନମାର୍କର ହାନ୍ସ-ଖ୍ରିଷ୍ଟିଆନ ସୋଲବର୍ଗ ଭିଟିଙ୍ଗସ ବନାମ ବେଲଜିୟମର ମାକ୍ସମି ମୋରିଲ୍ସଙ୍କ ମଧ୍ୟରେ ଖେଳାଯିବାକୁଥିବା ମ୍ୟାଚର ବିଜେତାଙ୍କୁ ଭେଟିବେ। ସୂଚନାଯୋଗ୍ୟ, ଲକ୍ଷ୍ୟ ଗତବର୍ଷ ଦୁଇଟି ସୁପର ୧୦୦ ଟୁର୍ନାମେଣ୍ଟ ସମେତ ୫ଟି ଟାଇଟଲ ଜିତିଥିଲେ। କୋଭିଡ୍-୧୯ ଯୋଗୁ ୭ ମାସ ହେଲା ପ୍ରତିଯୋଗିତା ସବୁ ବନ୍ଦ ରହିଥିଲା। ବ୍ୟାଡ୍ମିଣ୍ଟନ ଓ୍ବାଲର୍ଡ ଫେଡେରେଶନ (ବିଡ୍ବ୍ଲ୍ୟୁଏଫ୍) ବହୁ ଟୁର୍ନାମେଣ୍ଟ ବାତିଲ କରିବାକୁ ବାଧ୍ୟ ହୋଇଥିଲା। ଏସିଆ ଲେଗ୍ ଏବଂ ଓ୍ବାଲର୍ଡ ଟୁର୍ ଫାଇନାଲ ଆସନ୍ତା ବର୍ଷକୁ ଘୁଞ୍ଚାଇ ଦେଇଛି।
