ନୂଆଦିଲ୍ଲୀ/ ବାଲେଶ୍ୱର, ୨୭।୯ : ଡିଆରଡିଓ ପକ୍ଷରୁ ସଫଳତାର ସହିତ ୟଏକ ପୋର୍ଟେବଲ କ୍ଷେପଣାସ୍ତ୍ରର ସଫଳ ପରୀକ୍ଷଣ କରାଯାଇଛି। ଏନେଇ ଭାରତୀୟ ସେନା ଦୀର୍ଘ ସମୟ ଧରି ଗବେଷଣା କରୁଥିଲା। ଏହି କ୍ଷେପଣାସ୍ତ୍ର ଶର୍ଟ ରେଞ୍ଚ ବିଶିଷ୍ଟ। ଏହା ଉଡ଼ୁଥିବା ବସ୍ତୁକୁ ବିଶେଷ ଭାବରେ ଯେକୌଣସି ଉଚ୍ଚତାରେ ଡ୍ରୋନକୁ ଟାର୍ଗେଟ କରିପାରିବ। ଏହା ବ୍ୟତୀତ ଏହାର ରେଞ୍ଜ୍ ମଧ୍ୟରେ ଶତ୍ରୁ ହେଲିକପ୍ଟର, ଯୁଦ୍ଧ ବିମାନକୁ ମଧ୍ୟ ଧ୍ୱଂସ କରାଯାଇ ପାରିବ। ଏହି କ୍ଷେପଣାସ୍ତ୍ରକୁ ଅତି ଶର୍ଟ ରେଞ୍ଜ ଏୟାର ଡିଫେନ୍ସ ସିଷ୍ଟମ ଅଧୀନରେ ବିକଶିତ କରାଯାଇଛି। ଯାହାର ଦୁଇଟି ସଫଳ ପରୀକ୍ଷା ଓଡିଶାର ବାଲେଶ୍ୱର ଜିଲାର ଚାନ୍ଦିପୁର ସ୍ଥିତ ଟେଷ୍ଟିଂ ରେଞ୍ଜରେ କରାଯାଇଛି।
ଡିଆରଡିଓର ଏହି ସଫଳତା ଭାରତକୁ ବାୟୁ ପ୍ରତିରକ୍ଷା ପ୍ରଣାଳୀ ଥିବା ଦେଶରଗୁଡ଼ିକର କ୍ଲବ୍ରେ ପ୍ରବେଶ କରାଇଛି। ଆମେରିକା ଏବଂ ଇଂଲଣ୍ଡ, ୟୁକ୍ରେନକୁ ଏଭଳି ପ୍ରତିରକ୍ଷା ପ୍ରଣାଳୀ ରହିଛିି। ଏହି କ୍ଷେପଣାସ୍ତ୍ର ସିଷ୍ଟମ ହାଇଦ୍ରାବାଦର ଡିଆରଡିଓର ଅନୁସନ୍ଧାନ କେନ୍ଦ୍ର ଇମାରତରେ ଡିଜାଇନ କରାଯାଇଛି। ଯେଉଁଥିରେ ଡିଆରଡିଓ ଲାବୋରେଟୋରୀ ମଧ୍ୟ ସହଯୋଗ କରିଛି।
