ଭୁବନେଶ୍ୱର,୧୩।୩(ବ୍ୟୁରୋ): ଏଲଭି ପ୍ରସାଦ ଆଇ ଇନଷ୍ଟିଚ୍ୟୁଟ୍ (ଏଲଭିପିଇଆଇ) ସମୟ ପୂର୍ବରୁ ଜନ୍ମିତ ଶିଶୁ ବା ପ୍ରିଟର୍ମ ଶିଶୁଙ୍କୁ ସଫଳତାର ସହ ଆବଶ୍ୟକ ଚିକିତ୍ସା ଯୋଗାଇଛି। ଏପରିକି ଏଲଭିପିଇଆଇର ତେଲଙ୍ଗାନା, ଆନ୍ଧ୍ରପ୍ରଦେଶ ଏବଂ ଓଡ଼ିଶା ୟୁନିଟ ନେଟ୍ୱର୍କ ସେଣ୍ଟରଗୁଡ଼ିକରେ ସମୟ ପୂର୍ବରୁ ଜନ୍ମିତ ଶିଶୁଙ୍କ ଦୃଷ୍ଟି ପଟଳ ବିକୃତି ରୋଗ ବା ରେଟିନୋପାଥି ଅଫ୍ ପ୍ରିମ୍ୟାଚ୍ୟୁରିଟି (ଆରଓପି)ର ଚିକିତ୍ସା କରାଯାଇଛି। ବିଶେଷ କରି ଏକ ଲକ୍ଷରୁ ଅଧିକ ସଂଖ୍ୟକ ସମୟ ପୂର୍ବରୁ ଜନ୍ମିତ ଶିଶୁ ବା ପ୍ରିଟର୍ମ ଶିଶୁଙ୍କୁ ଚିକିତ୍ସା ପ୍ରଦାନ ସହ ନବଜାତ ଶିଶୁଙ୍କ ଦୃଷ୍ଟିହୀନତାକୁ ରୋକିବା ଦିଗରେ ହସ୍ପିଟାଲ ଏକ ବଡ଼ ମାଇଲଖୁଣ୍ଟ ଅତିକ୍ରମ କରିଛି। ଏ ସମ୍ପର୍କରେ ଏଲ୍ଭିପିଇଆଇ ଭୁବନେଶ୍ୱରର ମିଥୁ ତୁଳସୀ ଚନରାଇ କ୍ୟାମ୍ପସ ସ୍ଥିତ ଅନନ୍ତ ବଜାଜ ରେଟିନା ଇନଷ୍ଟିଚ୍ୟୁଟର ଅଧ୍ୟାପକ ଡ. ତାପସ ରଞ୍ଜନ ପାଢ଼ୀ କହିଛନ୍ତି, ଆଗୁଆ ଜନ୍ମ ହୋଇଥିବା ଶିଶୁ (ପ୍ରିମ୍ୟାଚୁର) କିମ୍ବା କମ୍ ଓଜନ (ଜନ୍ମ ସମୟରେ ୨ କିଗ୍ରାରୁ କମ୍) ସହ ଜନ୍ମ ହୋଇଥିବା ଶିଶୁମାନଙ୍କୁ ଆରଓପି ହେବାର ଆଶଙ୍କା ରହିଛି। ଏହି ମାଇଲଖୁଣ୍ଟ ହାସଲ କରିବା ପାଇଁ ଏଲଭିପିଇଆଇ ଟିମ୍ ଏକ ଅନନ୍ୟ ତଥା ବିଶେଷ ପ୍ରକାରର ଏଲଭିପିଇଆଇ ଆଟଲାସ୍ ଅଫ୍ ରେଟିନୋପାଥି ଅଫ୍ ପ୍ରିମ୍ୟାଚ୍ୟୁରିଟି ଏବଂ ଅନ୍ୟାନ୍ୟ ନିଓନାଟାଲ୍ ରେଟିନା ରୋଗ ପାଇଁ ଚିକିତ୍ସକ, ଗବେଷକ, ସ୍ବାସ୍ଥ୍ୟ ପେସାଦାର ଏବଂ ନୀତି ନିର୍ଦ୍ଧାରକଙ୍କ ପାଇଁ ଏକ ଉପଯୋଗୀ ମାର୍ଗଦର୍ଶିକା ଅଟେ। ସେହିଭଳି ଏଲଭିପିଇଆଇର ନିଉବର୍ଣ୍ଣ ଆଇ ହେଲଥ୍ ଆଲିଆନ୍ସ (ଏନଇଏଚଏ)ର ନେଟୱାର୍କ ଡାଇରେକ୍ଟର ଡାକ୍ତର ସୁଭଦ୍ରା ଜାଲାଲି କହିଛନ୍ତି, ପ୍ରତ୍ୟେକ ଚିକିତ୍ସିତ ଶିଶୁ ସ୍କୁଲ ଜୀବନରେ ପ୍ରବେଶ କରିବା ବେଳକୁ ଉକ୍ତ ଶିଶୁମାନଙ୍କ ପାଇଁ ସର୍ବୋତ୍ତମ ସମ୍ଭାବ୍ୟ ଦୃଷ୍ଟିଶକ୍ତି ହାସଲ କରିବା ପାଇଁ ଟିମ୍ ଯେ କୌଣସି ସ୍ଥାନରେ ୧-୪ ଘଣ୍ଟାର ବିଶେଷ ଯତ୍ନ ନେବା ପରେ ମାସ ତଥା ବର୍ଷ ବର୍ଷ ଧରି ଫଲୋଅପ୍ ଯନତ୍ ନେଇପାରନ୍ତି। ସେହିପରି ଏଲଭିପିଇଆଇର ଅନନ୍ତ ବଜାଜ ରେଟିନା ଇନଷ୍ଟିଚ୍ୟୁଟର ପରାମର୍ଶଦାତା ଡା. ଆକାଶ ବେଲେଞ୍ଜେ କହିଛନ୍ତି, ଏଲଭିପିଇଆଇ ଆଟଲାସ୍ ଅଫ୍ ରେଟିନୋପାଥି ଅଫ୍ ପ୍ରିମ୍ୟାଚୁରିଟି ଏବଂ ଅନ୍ୟାନ୍ୟ ନିଓନାଟାଲ ରେଟିନା ରୋଗର ଶୁଭାରମ୍ଭ ନବଜାତ ଶିଶୁଙ୍କ ଯନତ୍ ଓ ପରିଚାଳନାରେ ଆଉ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ।