ଭୁବନେଶ୍ୱର,୧୪।୮: କଟକ ଏସ୍ସିବି ଡେଣ୍ଟାଲ କଲେଜ ଆଣ୍ଡ୍ ହସ୍ପିଟାଲରେ ଏକ ଅନନ୍ୟ କ୍ଲିନିକାଲ ପରୀକ୍ଷା ଅଭ୍ୟାସଗତ ତମାଖୁ ସେବନକାରୀଙ୍କ ଅଭ୍ୟାସକୁ ସଫଳତାର ସହ ଛଡାଇବାରେ ଫଳପ୍ରଦ ନିକୋଟିନ ରିପ୍ଲେସମେଣ୍ଟ ଥେରାପି (ଏନଆରଟି) ଉପରେ ତଥ୍ୟ ପ୍ରକାଶ ପାଇଛି। ଉକ୍ତ ଅଧ୍ୟୟନ ନିଶ୍ଚିତ କରିଛି, ଆଚରଣଗତ ହସ୍ତକ୍ଷେପ ସହିତ ମିଳିତ ଭାବେ ସଫଳତାର ସହ ଧୂମପାନ ବନ୍ଦ କରିବାର ସମ୍ଭାବନାକୁ ଏହା ଯଥେଷ୍ଟ ବୃଦ୍ଧି କରିଥାଏ। ସେହିଭଳି ୯୩% ଅଂଶଗ୍ରହଣକାରୀଙ୍କ ଉପରେ କରାଯାଇଥିବା ଏହି ପରୀକ୍ଷଣରେ ପ୍ରାୟ ୭୦% ତମାଖୁ ଦ୍ରବ୍ୟ ସେବନକାରୀ ଥିଲେ। ଏପରିକି ଅଂଶଗ୍ରହଣକାରୀଙ୍କୁ ୨ଟି ସମାନତା ଥିବା ଦଳରେ ବିଭକ୍ତ କରାଯାଇଥିଲା। ପ୍ରଥମ ଦଳ ନିକୋଟିନ ଗମ୍ ସେବନ କରୁଥିବାବେଳେ ଦ୍ୱିତୀୟ ଦଳ ନିକୋଟିନ ପ୍ୟାଚ ବ୍ୟବହାର କରୁଥିଲେ। ସେହିପରି ଆଚରଣଗତ ପରାମର୍ଶ ଦ୍ୱାରା ନିକୋଟିନ ପ୍ୟାଚ ଏବଂ ନିକୋଟିନ ଗମ୍ ଗ୍ରହଣ କରିଥିବା ଦଳ ଯଥାକ୍ରମେ ୫.୨ ଏବଂ ୪.୬ ଗୁଣା ଥିଲେ। ଫାଇଲର ତଥ୍ୟ ଅନୁସାରେ ଆଚରଣଗତ ପରାମର୍ଶ ଦ୍ୱାରା ସମ୍ପୃକ୍ତ ଦଳଙ୍କଠାରେ ଅନ୍ୟ ଦଳଙ୍କ ଅପେକ୍ଷା ଅଭ୍ୟାସ ଛାଡିବାର ସଫଳତା ସମ୍ଭାବନା ଅଧିକ ରହିଥିଲା। ଏ ସମ୍ପର୍କରେ ଫୋରମ ଫର ଇଟିଂଗ୍ରେଟେଡ ଡେଭଲପମେଂଟଆଣ୍ଡ ରିସର୍ଚ୍ଚର ମେଣ୍ଟର ଚାରୁଦତ ପାଣିଗ୍ରାହୀ କହଥିିଲେ, ଏହି ପରୀକ୍ଷା ହେଉଛି ବ୍ୟାପକ ସମାଧାନ ଦିଗରେ ଏକ ଅନନ୍ୟ ସଫଳତା, ଯାହା ଜୀବନ ରକ୍ଷା କରିପାରିବ। ଏନଆରଟି ଭଳି ଗୁରୁତ୍ୱପୂର୍ଣ୍ଣ ପ୍ରୟାସ ଅଭ୍ୟାସଗତ ଆଚରଣକୁ ବନ୍ଦ କରିବାକୁ ସୁନିଶ୍ଚିତ କରିଥାଏ। ବିଶେଷ କରି ଆମର ଯୁବବର୍ଗମାନଙ୍କ ପାଇଁ ଏହା କେବଳ ଏକ ପସନ୍ଦଯୋଗ୍ୟ ନୁହେଁ, ବରଂ ସେମାନଙ୍କର ସ୍ବାସ୍ଥ୍ୟ ଏବଂ ଭବିଷ୍ୟତକୁ ସୁରକ୍ଷିତ ରଖିବାରେ ନିଶା ମୁକ୍ତ ଭାବେ ଏକ ମୁଖ୍ୟ ଦାୟିତ୍ୱ ତୁଲାଇଥାଏ।