ଭାରତୀୟମାନେ ପୃଥିବୀର ପ୍ରାୟ କୋଣ ଅନୁକୋଣରେ ବସବାସ କରନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଦେଶ ଗସ୍ତ ହେଉ କିମ୍ବା କ୍ରିକେଟ ମ୍ୟାଚ୍ ହେଉ … ଆମେ ପ୍ରତ୍ୟେକ ବଡ଼ ଇଭେଣ୍ଟରେ ଭାରତର ଲୋକଙ୍କୁ ଦେଖିବାକୁ ପାଇଥାଉ। ଭାରତରୁ ବହୁ ସଂଖ୍ୟକ ଲୋକ ଆମେରିକା, ୟୁରୋପ, ଅଷ୍ଟ୍ରେଲିଆ ଏବଂ ଏସିଆ ମହାଦେଶରେ ବାସ କରନ୍ତି। ଛାତ୍ରୀଛାତ୍ରଙ୍କଠାରୁ ଆରମ୍ଭ କରି ଚାକିରି ପର୍ଯ୍ୟନ୍ତ ପ୍ରତ୍ୟେକ ଶ୍ରେଣୀର ଲୋକଙ୍କୁ ଦେଖିବାକୁ ପାଇଥାଉ। କିନ୍ତୁ ଏମିତି ଏକ ଦେଶ ଅଛି, ଯେଉଁଠାରେ ଜଣେ ହେଲେ ଭାରତୀୟ ନାହାନ୍ତି।
ଆଜି ବିଶ୍ୱରେ ସମୁଦାୟ ୧୯୫ଟିଦେଶ ଅଛି। ଏହି ଦେଶଗୁଡ଼ିକ ମଧ୍ୟରୁ ମୋଟ୍ ୧୯୩ଟି ମିଳିତ ଜାତିସଂଘର ସଦସ୍ୟ ଅଟନ୍ତି। ଯେତେବେଳେ ୨ଟି ଦେଶ ଅଣ-ସଦସ୍ୟ ପର୍ଯ୍ୟବେକ୍ଷକ ଦେଶ ଅଟନ୍ତି। ଏଥିମଧ୍ୟରୁ ତିନୋଟି ଦେଶ ଏପରି ଯେଉଁଠାରେ ଭାରତର ଲୋକମାନେ ବାସ କରନ୍ତି ନାହିଁ। ଜାଣନ୍ତୁ ଏ ସମ୍ପର୍କରେ…
ଭାଟିକାନ ସିଟି ଦୁନିଆର ସବୁଠାରୁ ଛୋଟ ଦେଶ ୦.୪୪ ବର୍ଗ କିଲୋମିଟର। ଯାହା ରୋମ ସହର ଦ୍ୱାରା ସମ୍ପୂର୍ଣ୍ଣ ଭାବରେ ଘେରି ରହିଛି। ଭାଟିକାନ ସିଟି ସମଗ୍ର ବିଶ୍ୱରେ ଲକ୍ଷ ଲକ୍ଷ ରୋମାନ କ୍ୟାଥେଲିକ୍ଙ୍କ ପାଇଁ ଆଧ୍ୟାତ୍ମିକ କେନ୍ଦ୍ର ଭାବରେ କାର୍ଯ୍ୟ କରୁଛି। ମାତ୍ର ଆଶ୍ଚର୍ଯ୍ୟର କଥା ଜନସଂଖ୍ୟାରେ ସବୁଠାରୁ ଛୋଟ ଦେଶ ହୋଇଥିବାରୁ ସେଠାରେ କୌଣସି ଭାରତୀୟ ବାସ କରନ୍ତି ନାହିଁ। ଏହି ଦେଶର ଜନସଂଖ୍ୟା ୧ ହଜାରରୁ କମ୍। ସେହିପରି ସାନ୍ ମାରିନୋ ଏବଂ ତୁବାଲୁରେ ମଧ୍ୟ ଭାରତୀୟ ନାହାନ୍ତି।