ନୂଆଦିଲ୍ଲୀ,୫।୬: ପ୍ରତିଯୋଗିତା ଥିଲା ଅତ୍ୟନ୍ତ ଆକର୍ଷଣୀୟ। ଏହି ପ୍ରତିଯୋଗିତା ଏତେ ଆକର୍ଷଣୀୟ ଥିଲା ଯେ ଦୁଇ ପ୍ରାର୍ଥୀଙ୍କ ମଧ୍ୟରେ ପାର୍ଥକ୍ୟ ଗଣନା କରିବା ସମୟରେ କେବଳ ଗୋଟିଏ ଭୋଟ ଏପଟ ସେପଟ ହୋଇଥିଲା। ଏହି ଲୋକ ସଭା ଆସନରେ ଶିବସେନା (ଉଦ୍ଧବ ଦଳ) ପ୍ରାର୍ଥୀ ଆମୋଲ କୀର୍ତ୍ତିକର ଶିବସେନା (ଶିନ୍ଦେ ଦଳ) ନେତା ରବିନ୍ଦ୍ର ୱାଇକରଙ୍କ ସହ ଲଢୁଥିଲେ।
୨୬ରାଉଣ୍ଡ ଗଣନା ପରେ, ଯେତେବେଳେ ଆମୋଲ କୀର୍ତ୍ତିକର ଗୋଟିଏ ଭୋଟରେ ଆଗୁଆ ଥିଲେ, ରବିନ୍ଦ୍ର ଭାୟକର ପୁନଃ ଗଣନା ପାଇଁ ଆବେଦନ କରିଥିଲେ। ପୁନଃ ଗଣନା କରାଯାଇଥିଲା ଏବଂ ଅବୈଧ ଡାକ ଭୋଟ ବା ଇନଭ୍ୟାଲିଡ ପୋଷ୍ଟାଲ ବାଲାଟର ଯାଞ୍ଚ ପରେ ରବିନ୍ଦ୍ର ଭାୟକର ଆମୋଲ କୀର୍ତ୍ତିକରଙ୍କୁ ୪୮ ଖଣ୍ଡ ଭୋଟରେ ପରାସ୍ତ କରିଥିଲେ। ୨୦୨୪ ଲୋକ ସଭା ନିର୍ବାଚନରେ ଏହା ହେଉଛି ବିଜୟର ସବୁଠାରୁ ଛୋଟ ବ୍ୟବଧାନ।
ସୂଚନାଯୋଗ୍ୟ, ଯେତେବେଳେ ଆମୋଲ କୀର୍ତ୍ତିକର ୬୮୧ ଭୋଟ ବ୍ୟବଧାନରେ ବିଜେତା ଘୋଷିତ ହୋଇଥିଲେ, ସେତେବେଳେ ରବିନ୍ଦ୍ର ଭାୟକର ପୁନଃ ଗଣନା କରିବାକୁ ଦାବି କରିଥିଲେ। ପୁନଃ ଗଣନାରେ ରବିନ୍ଦ୍ର ଭାୟକର ୭୫ଭୋଟରେ ଆଗରେ ଥିଲେ। ଏହା ପରେ ଆମୋଲ କୀର୍ତ୍ତିକର ପୁନର୍ବାର ଆପତ୍ତି ଉଠାଇଲେ ଏବଂ ପୋଷ୍ଟାଲ ବାଲାଟ ଗଣନା କରାଯାଇଥିଲା। ଗଣନାରେ ଆମୋଲ କୀର୍ତ୍ତିକରଙ୍କୁ ୧୫୦୦ ଭୋଟ ଏବଂ ରବିନ୍ଦ୍ର ଭାୟକରଙ୍କୁ ୧୫୪୯ ଭୋଟ ମିଳିଥିଲା।