କ୍ରିକେଟରେ ପ୍ରତି ମ୍ୟାଚ୍ରେ ଅନେକ ରେକର୍ଡ ତିଆରି ହୁଏ, ଅନେକ ରେକର୍ଡ ଭାଙ୍ଗେ ମଧ୍ୟ। କିନ୍ତୁ ଭାରତୀୟ ଦଳ ଆଜିର ଦିନ ଅର୍ଥାତ୍ ଜୁଲାଇ ୧୯, ୧୯୫୨ରେ ଏପରି ଲଜ୍ଜାଜନକ ରେକର୍ଡ ସୃଷ୍ଟି କରିଥିଲା, ଯାହାକୁ ସେ ମନେ ରଖିବାକୁ ଆଦୌ ପସନ୍ଦ କରିବ ନାହିଁ। ଆଜିର ଦିନରେ ଭାରତୀୟ ଦଳ ଟେଷ୍ଟ ମ୍ୟାଚ୍ର ଗୋଟିଏ ଦିନରେ ଦୁଇଥର ଅଲ୍ଆଉଟ୍ ହୋଇଥିଲା। ଦଳକୁ ମଧ୍ୟ ଏକ ବଡ଼ ଲଜ୍ଜାଜନକ ପରାଜୟ ମିଳିଥିଲା। କେବଳ ଏତିକି ନୁହେଁ ଦଳ ଉଭୟ ଇନିଂସରେ ୧୦୦ ରନ ଅତିକ୍ରମ କରିପାରି ନ ଥିଲା। ଗୋଟିଏ ଦିନରେ ମୋଟ ୨୨ ଉଇକେଟର ପତ୍ତନ ଘଟିଥିଲା।
ଭାରତ-ଇଂଲଣ୍ଡ ସିରିଜର ତୃତୀୟ ଟେଷ୍ଟ ମ୍ୟାଚର ତୃତୀୟ ଦିନରେ ଇଂଲଣ୍ଡ ପ୍ରଥମ ଇନିଂସରେ ୩୪୭ି ରନ୍ରେ ପାଳି ଘୋଷଣା କରିଥିଲା। ମଞ୍ଚେଷ୍ଟରରେ ଖେଳାଯାଇଥିବା ଏହି ମ୍ୟାଚରେ ଭାରତୀୟ ଦଳ ପ୍ରଥମ ଇନିଂସରେ ମାତ୍ର ୫୮ ରନ ସ୍କୋର କରିପାରିଥିଲା। ଦଳ ମାତ୍ର ୨୧.୪ ଓଭର ବ୍ୟାଟିଂ କରିପାରିଥିଲା। ଏହି ଇନିଂସରେ ୯ ଜଣ ବ୍ୟାଟ୍ସମ୍ୟାନ ଡବଲ ଫିଗର ଛୁଇଁ ପାରି ନ ଥିଲେ। ଅଦତ୍ନାୟକ ବିଜୟ ହଜାରେ ୧୬ ଏବଂ ବିଜୟ ମଞ୍ଜରେକର ୨୨ ରନ ସ୍କୋର କରିଥିଲେ। ଦ୍ରୁତ ବୋଲର ଫ୍ରେଡ ଟ୍ରୁମାନ ୩୧ ରନ ଦେଇ ୮ଟି ଉଇକେଟ ନେଇଥିଲେ। ଏହା ତାଙ୍କ କ୍ୟାରିୟରର ସର୍ବୋତ୍ତମ ପ୍ରଦର୍ଶନ ଥିଲା। ଫଲୋଅନ୍ ପରେ ଦ୍ୱିତୀୟ ଇନିଂସରେ ବ୍ୟାଟିଂ କରିବାକୁ ବାହାରିଥିବା ଭାରତୀୟ ଦଳ ଦ୍ୱିତୀୟ ଇନିଂସରେ ମଧ୍ୟ ଖରାପ ପ୍ରଦର୍ଶନ କରିଥିଲା। ଦଳ ୩୬.୩ ଓଭରରେ ୮୨ ରନ୍ରେ ଅଲଆଉଟ୍ ହୋଇଥିଲା। ଏଥର ମଧ୍ୟ ୮ ଜଣ ବ୍ୟାଟ୍ସମ୍ୟାନ ଦୁଇ ଅଙ୍କରେ ପହଞ୍ଚି ପାରି ନ ଥିଲେ। ଏହିପରି ଭାବେ ଇଂଲଣ୍ଡ ଏହି ମ୍ୟାଚକୁ ଏକ ଇନିଂସ ଏବଂ ୨୦୭ ରନରେ ଜିତି ନେଇଥିଲା। ଭାରତୀୟ ଦଳ ଉଭୟ ଇନିଂସରେ ମାତ୍ର ୫୮ ଓଭର ବ୍ୟାଟିଂ କରିପାରିଥିଲା।
ଟେଷ୍ଟ ମ୍ୟାଚ୍ରେ ଗୋଟିଏ ଦିନରେ ଦୁଇଥର ଆଉଟ୍ ହୋଇଥିବା ଭାରତୀୟ ଦଳ ପ୍ରଥମ ଦଳ ହୋଇଥିଲା। ଏହା ବ୍ୟତୀତ ନ୍ୟୁଜିଲାଣ୍ଡ ୨୦୦୫ ଏବଂ ୨୦୧୨ରେ ଦିନକୁ ଦୁଇଥର ଜିମ୍ବାୱେକୁ ଦୁଇଥର ଅଲଆଉଟ୍ କରିଥିଲା। ପ୍ରଥମ ଥର ପାଇଁ ଏହି ରେକର୍ଡ ସୃଷ୍ଟି କରିଥିବା ଭାରତୀୟ ଦଳ ମଧ୍ୟ ଦିନକୁ ଦୁଇଥର ବିପକ୍ଷ ଦଳକୁ ଅଲଆଉଟ୍ କରିଛି। ବେଙ୍ଗାଲୁରୁରେ ୨୦୧୮ ରେ ଖେଳାଯାଇଥିବା ଟେଷ୍ଟରେ ଟିମ ଇଣ୍ଡିଆ ମ୍ୟାଚ୍ର ଦ୍ୱିତୀୟ ଦିନରେ ଆଫଗାନିସ୍ତାନକୁ ୧୦୯ ଏବଂ ୧୦୩ ରେ ଅଲଆଉଟ୍ କରିଥିଲା। ଟେଷ୍ଟ କ୍ରିକେଟରେ ଏପର୍ଯ୍ୟନ୍ତ ଏହି ପ୍ରଦର୍ଶନ କେବଳ ଚାରିଥର ଘଟିଛି, ଯେତେବେଳେ ଗୋଟିଏ ଦିନରେ ଦୁଇଥର ଦଳ ଅଲଆଉଟ୍ ହୋଇଛନ୍ତି।