ନୂଆଦିଲ୍ଲୀ,୨୮।୨: ନ୍ୟୁଜିଲାଣ୍ଡ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ଟେଷ୍ଟ ସିରିଜର ତୃତୀୟ ତଥା ଶେଷ ମ୍ୟାଚକୁ ଗୋଟିଏ ରନ ବ୍ୟବଧାନରେ କିଓ୍ବି ଦଳ ଜିତି ନେଇଛି। ଏହା ସହ ନ୍ୟୁଜିଲାଣ୍ଡ ସିରିଜରେ ୧-୧ରେ ସମାନ ହୋଇଛି। ଏହି ସିରିଜର ପ୍ରଥମ ମ୍ୟାଚ ଡ୍ର ଥିଲା। ଏଥି ସହିତ ଇଂଲଣ୍ଡ ଦ୍ୱିତୀୟ ମ୍ୟାଚ ଜିତିଥିବାବେଳେ ନ୍ୟୁଜିଲାଣ୍ଡ ତୃତୀୟ ମ୍ୟାଚ ଜିତିଛି।
ୱେଲିଙ୍ଗଟନ୍ରେ ଖେଳାଯାଇଥିବା ଏହି ମ୍ୟାଚ୍ରେ ଇଂଲଣ୍ଡ ୮ ଉଇକେଟ ହରାଇ ୪୩୫ ରନ ସ୍କୋର କରି ପ୍ରଥମ ଇନିଂସ ଘୋଷଣା କରିଥିଲା। ନ୍ୟୁଜିଲାଣ୍ଡ ପ୍ରଥମ ଇନିଂସରେ ମାତ୍ର ୨୦୯ ରନ ସଂଗ୍ରହ କରିଥିଲା। ଇଂଲଣ୍ଡ ନ୍ୟୁଜିଲାଣ୍ଡକୁ ଫଲୋଅନ୍ ଦେଇଥିଲା। ଫଲୋଅନ ଖେଳି ନ୍ୟୁଜିଲାଣ୍ଡ ଦଳ ଏକ ଭଲ ଆରମ୍ଭ କରିଥିଲା। କିୱି ଦଳ ଦ୍ୱିତୀୟ ଇନିଂସରେ ୪୮୩ ରନ ସଂଗ୍ରହ କରି ଇଂଲଣ୍ଡକୁ ୨୫୮ ରନ ଲକ୍ଷ୍ୟ ଦେଇଥିଲା। ବିଜୟ ପାଇଁ ୨୫୮ ରନ୍ର ଲକ୍ଷ୍ୟକୁ କିଛା କରି ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ୨୫୬ ରନ ସ୍କୋର କରିବାରେ ସକ୍ଷମ ହୋଇଥିଲା। ଫଳରେ ନ୍ୟୁଜିଲାଣ୍ଡ ଏହି ମ୍ୟାଚକୁ ୧ ରନ୍ରେ ଜିତିଥିଲା।
ଟେଷ୍ଟ କ୍ରିକେଟ ଇତିହାସରେ ଏହା ଦ୍ୱିତୀୟ ଥର ଥିଲା ଯେ ଗୋଟିଏ ଦଳ ୧ ରନ ବ୍ୟବଧାନରେ ଜିତିଛି। ଏହାପୂର୍ବରୁ ୧୯୯୩ରେ ୱେଷ୍ଟଇଣ୍ଡିଜ ଆଡିଲେଡ ଗ୍ରାଉଣ୍ଡରେ ଅଷ୍ଟ୍ରେଲିଆକୁ ଗୋଟିଏ ରନ୍ରେ ପରାସ୍ତ କରିଥିଲା। ଏଥି ସହିତ ଟେଷ୍ଟ କ୍ରିକେଟରେ ଏହା ଚତୁର୍ଥ ମ୍ୟାଚ ଥିଲା ଯେତେବେଳେ ଫଲୋଅନ ଖେଳୁଥିବା ଦଳ ଜିତିଥିଲା।