ଭୁବନେଶ୍ୱର,୨୧।୭: ଆଇଏଏସ୍ ଅଧିକାରୀ ତଥା ଗୃହ ଓ ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ଉଷା ପାଢୀଙ୍କ ନାଁରେ ଫେକ୍ ଆଇଡି ଖୋଲି ଟଙ୍କା ମାଗୁଛନ୍ତି ସାଇବର ଠକ୍। ଏନେଇ ଆଇଏଏସ୍ ପାଢ଼ୀ ସୋସିଆଲ ମିଡିଆରେ ପୋଷ୍ଟ କରିଛନ୍ତି। କିଛି ଠକ ହ୍ବାଟ୍ସଆପରେ ଉଷାଙ୍କ ଫଟୋ ଥିବା ଡିପି ରଖି ତାଙ୍କର ସମ୍ପର୍କୀୟ ଏବଂ ଚିହ୍ନା ପରିଚିତ ଲୋକଙ୍କୁ ଟଙ୍କା ମାଗୁଛନ୍ତି। ଏକାଧିକ ନମ୍ବରକୁ ମେମେଜ କରି ଠକ ଟଙ୍କା ମାଗୁଥିବା ନେଇ ସେ ସୂଚନା ଦେଇଛନ୍ତି। ଜଣଙ୍କୁ ୫୦ ହଜାର ଟଙ୍କା ମାଗୁଥିବାର ସ୍କ୍ରିନସଟ ସେ ଶେୟାର କରିଛନ୍ତି। ଏଭଳି ଠକଙ୍କଠୁ ଦୂରେଇ ରହିବା ସହ ସତର୍କତା ଅବଲମ୍ବନ କରିବାକୁ ପାଢ଼ୀ ଅନୁରୋଧ କରିଛନ୍ତି ।