ପୁରୀ ଅଫିସ୍,୧୭।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୧ ତମ ଜନ୍ମଦିନରେ ରାଷ୍ଟ୍ରପତି ରାମ ନାଥ କୋବିନ୍ଦ, କେନ୍ଦ୍ର ମନ୍ତ୍ରୀ, ଭାଜପା ନେତା ଏବଂ ଅନ୍ୟମାନେ ତାଙ୍କୁ ଅଭିବାଦନ ଜଣାଇଛନ୍ତି। ମୋଦିଙ୍କ ଜନ୍ମଦିନରେ ଦେଶର ବିଭିନ୍ନ ଅଞ୍ଚଳରେ ଲୋକମାନେ ନିଜ ନିଜ ଢଙ୍ଗରେ ପାଳନ କରୁଛନ୍ତି। ଏହି ସମୟରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ଏକ ବିଶେଷ ଅଭିନନ୍ଦନ ଜଣାଇଛନ୍ତି।
ସୁଦର୍ଶନ ପଟ୍ଟନାୟକ ଓଡିଶାର ପୁରୀ ସମୁଦ୍ର କୂଳରେ ବାଲିରେ ମୋଦିଙ୍କ ବଲେୁକା କଳା କରି ତାଙ୍କୁ ଜନ୍ମଦିନରେ ବାଲୁକା କଳା ପ୍ରଦର୍ଶନ କରିଛନ୍ତି। ସେ ଏହାର ଫଟୋ ନିଜ ଟୁଇଟ୍ର ଆକାଉଣ୍ଟରେ ଶେୟାର କରିଛନ୍ତି। ଏହା ସହିତ ସେ ଅଭିନନ୍ଦନ ବାର୍ତ୍ତା ମଧ୍ୟ ଲେଖିଛନ୍ତି । ସୁଦର୍ଶନ ପଟ୍ଟନାୟକ ଲେଖିଛନ୍ତି, ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୀଙ୍କୁ ଜନ୍ମଦିନର ଶୁଭେଚ୍ଛା। ଭାରତ ମାତାର ସେବା ପାଇଁ ମହାପ୍ରଭୁ ଜଗନ୍ନାଥ ଆପଣଙ୍କୁ ଏକ ଦୀର୍ଘ ଏବଂ ସୁସ୍ଥ ଜୀବନ ଦେଇ ଆଶୀର୍ବାଦ କରନ୍ତୁ । ସୋସିଆଲ ମିଡିଆରେ ଲୋକମାନେ ଏହି ବାଲୁକା କଳାକୁ ବହୁତ ପସନ୍ଦ କରୁଛନ୍ତି।