ମଧ୍ୟପ୍ରଦେଶର ରାୟସେନର ପ୍ରାଚୀନ ଦୁର୍ଗରେ ଓଁ କାର ଆକୃତିର ଅଦ୍ଭୁତ ପ୍ରତିବିମ୍ବ ଦେଖିବାକୁ ମିଳିଛି। ରାୟସେନର ଉଚ୍ଚା ପାହାଡ଼ରେ ଥିବା ଏହି ପ୍ରାଚୀନ ଦୁର୍ଗରେ କିଛିଦିନ ତଳେ ଏକ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଥିଲା। ଯେତେବେଳେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ରାୟସେନର ସ୍ଥାନୀୟ ଦଶହରା ପଡ଼ିଆରେ ହେଲିକପ୍ଟରରୁ ଓହ୍ଲାଇଥିଲେ ସେହି ସମୟରେ ଫଟୋ ଜର୍ନାଲିଷ୍ଟଙ୍କ ଦ୍ୱାରା ଉଠାଇଯାଇଥିବା ଏହି ଫଟୋରେ ଓଁକାର ପ୍ରତିବିମ୍ବ ଦେଖିବାକୁ ମିଳିଥିଲା।
ସୋସିଆଲ ମିଡିଆରେ ଯେତେବେଳେ ଏହି ଫଟୋ ଶେୟାର କରାଗଲା ଏହା ଖୁବ୍ ତୀବ୍ର ବେଗରେ ଭାଇରାଲ ହେବାରେ ଲାଗିଲା। ପରେ ଲୋକେ ଦୀର୍ଘବର୍ଷ ଧରି ବନ୍ଦ ରହିଥିବା ସୋମେଶ୍ୱର ଧାମ ଶିବ ମନ୍ଦିର ଖୋଲିବାକୁ ଦାବି କରିଛନ୍ତି।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଫଟୋର ସତ୍ୟତା ଜାଣିବା ପାଇଁ ରାୟସେନ ଦୁର୍ଗର ଭିଡିଓ ପ୍ରସ୍ତୁତ କରାଯାଇଥିଲା। ଏଥିରେ ସ୍ପଷ୍ଟ ଭାବରେ ଓଁକାର ପ୍ରତିବିମ୍ବ ଦେଖିବାକୁ ମିଳିଥିଲା। ଯାହା ଗଛର ଆକସ୍ମିକ ସ୍ବରୁପରେ ପରିବର୍ତ୍ତନ ହୋଇଥିଲା।
ପ୍ରତିଦିନ ରାୟସେନରେ ଥିବା ଏହି ସୋମେଶ୍ୱର ମନ୍ଦିର ଖୋଲିବାକୁ ଶ୍ରଦ୍ଧାଳୁମାନେ ଦାବି କରିଆସୁଥିଲେ। ମାତ୍ର ପ୍ରତ୍ନତତ୍ତ୍ୱ ବିଭାଗ ଅଧୀନରେ ଥିବା ରାୟସେନ ଦୁର୍ଗ ଯୋଗୁ ବାସିନ୍ଦାଙ୍କ ଦାବି ସବୁବେଳେ ଶୀତଳଭଣ୍ଡାରରେ ରହିଯାଏ। ଶିବ ମନ୍ଦିରକୁ ପ୍ରାର୍ଥନା କରିବା ପାଇଁ ସୋମେଶ୍ୱର ଧାମକୁ ବର୍ଷକୁ ଥରେ ମହାଶିବରାତ୍ରିରେ ଖୋଲାଯାଇଥାଏ। ୧୯୭୧ରେ ରାୟସେନ ବାସିନ୍ଦାଙ୍କ ଆନ୍ଦୋଳନ ପରେ ତତ୍କାଳୀନ ସରକାରଙ୍କ ସମୟରେ ଆରମ୍ଭ ହୋଇଥିଲା।