![](https://www.dharitri.com/wp-content/uploads/2023/11/n-3-21.jpg)
ଓ୍ବାଶିଂଟନ,୨୩।୧୧ : ସାଇକେଲରୁ ବିମାନକୁ ପରିବହନ ପର୍ଯ୍ୟନ୍ତ ସବୁ କ୍ଷେତ୍ରରେ ସୁରକ୍ଷା ହିଁ ଗୁରୁତ୍ୱପୂର୍ଣ୍ଣ। ଏସବୁକୁ ଚଳାଇବାରେ କେବଳ ପାରଦର୍ଶିତା ଯଥେଷ୍ଟ ନୁହେଁ। ବଡ କଥା ହେଉଛି ଯଦି ଏକ ଜଟିଳ ପରିସ୍ଥିତି ଉପୁଜେ ଏବଂ ଜୀବନ ମୃତ୍ୟୁର ସ୍ଥିତିର ସମ୍ମୁଖୀନ ହୁଏ, ତେବେ ଏହାକୁ କିପରି ଏଡାଯାଇପାରିବ। ସେହିଭଳି ଏକ ଘଟଣା ୩୫ ବର୍ଷ ପୁରୁଣା, ଯେତେବେଳେ ବିମାନ ଦୁର୍ଘଟଣାଗ୍ରସ୍ତ ଯୋଗୁ ପାଇଲଟଙ୍କ ସମେତ ୯୫ ଜୀବନ ବିପଦରେ ପଡ଼ିଥିଲ। ତେବେ ପାଇଲଟ ନିଜର ଉପସ୍ଥିତ ବୁଦ୍ଧି ଦ୍ୱାରା ବଡ଼ ଧରଣର ବିପଦକୁ ଏଡାଇ ଦେଇଥିଲେ। ହଠାତ ୨୪ ହଜାର ଫୁଟ ଉଚ୍ଚରେ ଉଡ଼ୁଥିବା ବିମାନଟି ମଝି ଆକାଶରେ ଦୁଇ ଖଣ୍ଡ ହୋଇଯାଇଥିଲା।
ଏବେ ଏହି ଦୁର୍ଘଟଣାର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ନଭେମ୍ବର ୧୮ ରେ, ସୋସିଆଲ ମିଡିଆ ଏକ୍ସରେ ମୋଥ୍ରା ନାମକ ହ୍ୟାଣ୍ଡେଲର୍ ଦ୍ୱାରା ଅଂଶୀଦାର ହୋଇଥିବା ଏହି ଫଟୋଗୁଡ଼ିକରେ ଏହା ଦେଖିବାକୁ ମିଳୁଛି ମଝି ଆକାଶରେ ଉଡୁଥିବା ବିମାନର ଉପର ଅଂଶ ହଠାତ ଭାଙ୍ଗି ଉଡି ଯାଇଥିଲା। କ୍ରୁ ସଦସ୍ୟଙ୍କ ସମେତ ଅନ୍ୟ ସମସ୍ତ ଯାତ୍ରୀ ଭୟଭୀତ ହୋଇପଡିଥିଲେ। ଗୁଗୁଲ ଲେନ୍ସରେ ଏହି ଫଟୋଗୁଡିକ ଯାଞ୍ଚ କରିବା ପରେ ଏହା ଜଣାପଡିଛି ଏହା ୨୮ ଏପ୍ରିଲ ୧୯୮୮ ରେ ଆମେରିକାର ଆଲୋହା ଏୟାରଲାଇନ୍ସର ଏକ ବିମାନ ପ୍ରଶାନ୍ତ ମହାସାଗର ଉପରେ ଉଡୁଥିବା ସମୟରେ ଘଟିଥିଲା।
ଦୁଇଟି ଇଞ୍ଜିନ ଏବଂ ୧୧୦ ସିଟ ବିଶିଷ୍ଟ ବୋଇଙ୍ଗ ୭୩୭- ୨୦୦ ବିମାନରେ ୮୯ ଜଣ ଯାତ୍ରୀ ଏବଂ ୬ ଜଣ କ୍ରୁ ମେମ୍ବର ଥିଲେ। ଯେତେବେଳେ ଏହା ପ୍ରଶାନ୍ତ ମହାସାଗରରେ ଉଡ଼ୁଥିଲା, ୪୦ ମିନିଟର ଉଡ଼ାଣର ଅଧା ବାଟରେ, ହଠାତ କ୍ୟାବିନରେ ଥିବା ଆଭ୍ୟନ୍ତରୀଣ ଚାପ ହ୍ରାସ ପାଇଲା ଏବଂ ବାହ୍ୟ ବାୟୁ ଚାପ ଅତ୍ୟଧିକ ହୋଇଗଲା। ଫଳରେ ବିମାନର ଛାତରେ ଏକ ଛୋଟ ଗର୍ତ୍ତ ସୃଷ୍ଟି ହେଲା। ପରେ ଧୀରେ ଧୀରେ ବିମାନଟି ଉପର ଅଂଶ ସମ୍ପୂର୍ଣ୍ଣ ଅଲଗା ହୋଇଗଲା। ଜଣେ ଯାତ୍ରୀ ଏରିକ ବେକଲିନଙ୍କ ବିବୃତ୍ତି ଅନୁଯାୟୀ ଏହି ଘଟଣା ପରେ ଆତଙ୍କିତ କର୍ମଚାରୀ ଏବଂ ଯାତ୍ରୀମାନେ ଚିତ୍କାର କରିବା ଆରମ୍ଭ କରିଥିଲେ।
ଫେଡେରାଲ ଆଭିଏଶନ ଆଡମିନିଷ୍ଟ୍ରେଶନ ଅନୁଯାୟୀ, କ୍ୟାପଟେନ ପ୍ରଥମ ଅଧିକାରୀଙ୍କଠାରୁ ନିୟନ୍ତ୍ରଣ ଗ୍ରହଣ କରିଥିଲେ ଏବଂ ୧୩ ମିନିଟ ପରେ ପାଇଲଟ ସାହସିକତା ପ୍ରଦର୍ଶନ କରିଥିଲେ ଏବଂ ଇଞ୍ଜିନ ଜଳିବା ସହିତ କ୍ଷତିଗ୍ରସ୍ତ ବିମାନକୁ ୨୪,୦୦୦ଫୁଟ ଉଚ୍ଚରୁ ତଳକୁ ଆଣିଥିଲେ। ଏହି ଘଟଣାରେ ବିମାନରେ ଥିବା ୯୫ ଜଣଙ୍କ ମଧ୍ୟରୁ ଜଣେ ଏୟାର ହୋଷ୍ଟେସଙ୍କ ମୃତ୍ୟୁ ଘଟିଥିବା ବେଳେ ଆଠ ଜଣ ଆହତ ହୋଇଥିଲେ। ଏହି ଘଟଣା ସମ୍ପର୍କରେ ଇଣ୍ଟରନେଟରେ ମଧ୍ୟ ସୂଚନା ରହିଛି ଜଣେ ଯାତ୍ରୀ ବୋର୍ଡିଂ ସମୟରେ ବିମାନରେ ଫାଟ ସୃଷ୍ଟି ହୋଇଥିବାର ଲକ୍ଷ୍ୟ କରିଥିଲେ, କିନ୍ତୁ ବିମାନ ଉଡ଼ାଣ ପୂର୍ବରୁ କର୍ମଚାରୀଙ୍କୁ ଜଣାଇ ନ ଥିଲେ।
Let’s take a moment to remember Aloha Airlines Flight 243.
On April 28th 1988 the roof ripped off the Boeing 737 at 24,000 ft. The chief flight attendant (the only fatality) fell from the plane and debris struck the tail section. Amazingly the pilot still managed to land safely… pic.twitter.com/TAXzlW6KNo— Mothra P.I. (@Hardywolf359) November 17, 2022