ଶେରଗଡ଼,୨୫ା୧୨(ଡି.ଏନ୍.ଏ.): ଶେରଗଡ଼ ପେଟ୍ରୋଲ ପମ୍ପ ପଛପଟେ ଥିବା ଏକ ଆଖୁ କିଆରିରେ ରବିବାର ନିଆଁ ଲାଗିଯାଇଥିଲା। ଫଳରେ ଜମିର ଆଖୁ ପୋଡ଼ି ନଷ୍ଟ ହୋଇଯାଇଛି। ଖବର ପାଇ ଶେରଗଡ଼ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ।
ସୂଚନାଯୋଗ୍ୟ, ଉକ୍ତ ଜମି ଉପର ଦେଇ ବିତ୍ୟୁତ୍ ତାର ଯାଇଛି। ହେଲେ ବିଦ୍ୟୁତ୍ ତାର ଶର୍ଟ ସର୍କିଟରୁ ଆଖୁ କିଆରିରେ ନିଆଁ ଲାଗିଥିବା ଅନୁମାନ କରାଯାଉଛି। ବର୍ତ୍ତମାନ ଆଖୁ ଅମଳ ସମୟ ହୋଇଥିବା ବେଳେ କାଟିବା ନେଇ ଚାଷୀ ପ୍ରସ୍ତୁତି ଚଳାଇଥିଲେ। ଏଭଳି ସ୍ଥିତିରେ ଆଖୁ ପୋଡି ନଷ୍ଟ ହେବା ଚାଷୀଙ୍କୁ ଚିନ୍ତାରେ ପକାଇଛି। ଋଣ କରି ଚାଷ କରିଥିବା ବେଳେ କ୍ଷୟକ୍ଷତିର ଆକଳନ କରି ସରକାରୀ ସହାୟତା ଯୋଗାଇ ଦେବାକୁ ଚାଷୀ ଜଣକ ଦାବି କରିଛନ୍ତି।