ବରୀ,୨।୧୧(ଡି.ଏନ.ଏ.): ଗରିବ ଲୋକଙ୍କ ପାଇଁ ସରକାର ବିଭିନ୍ନ ଯୋଜନା କରିଛନ୍ତି। ମାତ୍ର ଏସବୁ ଯୋଜନା କେତେକ ସ୍ଥାନରେ ପ୍ରକୃତ ହିତାଧିକାରୀଙ୍କ ନିକଟରେ ପହଞ୍ଚତ୍ ପାରୁନାହିଁ। ଯାହାର ଉଦାହରଣ ଦେଖିବାକୁ ମିଳିଛି ଯାଜପୁର ଜିଲାର ବରୀ ବ୍ଲକ ଅଞ୍ଚଳରେ। ବ୍ଲକ ଅଧୀନ ରମ୍ପା ପଞ୍ଚାୟତର ସୁକାନ୍ତ ଚନ୍ଦ୍ର ବିଶ୍ୱାଳ(୫୨)ଦୁଇ ବର୍ଷ ଧରି ଦୁରାରୋଗ୍ୟର ଶିକାର ହୋଇଛନ୍ତି। ମାତ୍ର ଆର୍ଥତ୍କ ସମ୍ବଳ ନ ଥିବାରୁ ତାଙ୍କର ଚିକିତ୍ସା ହୋଇ ପାରୁନାହିଁ। ବ୍ଲକ୍ କାର୍ଯ୍ୟାଳୟ ପରିସରରୁ ମାତ୍ର ୫ କି.ମି. ଦୂରରେ ତାଙ୍କ ଘର ହୋଇଥିଲେ ମଧ୍ୟ ତାଙ୍କ ସମ୍ପର୍କରେ ବ୍ଲକ ପ୍ରଶାସନ ନିକଟରେ ଖବର ନାହିଁ। ସ୍ତ୍ରୀ, ବୃଦ୍ଧ ବାପା, ମାଆ ଓ ଝିଅକୁ ନେଇ ସୁକାନ୍ତଙ୍କ ପରିବାର। ଚଳିତ ବନ୍ୟାରେ ସୁକାନ୍ତଙ୍କ ପରିବାର ପ୍ରଭାବିତ ହୋଇଥିଲେ ହେଁ ତାଙ୍କୁ ସରକାରଙ୍କ ତରଫରୁ ବନ୍ୟା ସାହାୟତା ଯଥା: ୫୦ କି.ଗ୍ରା. ଚାଉଳ ଓ ୫ ଶହ ଟଙ୍କା ମିଳିନାହିଁ। ଏତଦ୍ବ୍ୟତୀତ ପ୍ରଧାନମନ୍ତ୍ରୀ ଆବାସ ଯୋଜନାରେ ତାଙ୍କ ନାମ ଥିଲେ ହେଁ ପ୍ରଶାସନିକ ଅଧିକାରୀଙ୍କ ଖାମଖିଆଲ ମନୋଭାବ ଯୋଗୁ ସେ ଏ ପର୍ଯ୍ୟନ୍ତ ଘର ପାଇ ପାରିନାହାନ୍ତି। ସରକାରୀ ସୁବିଧା ପାଇବା ପାଇଁ ସୁକାନ୍ତ ବାରମ୍ବାର ଜିଲା ଓ ବ୍ଲକ୍ ପ୍ରଶାସନର ଦ୍ୱାରସ୍ଥ ହୋଇଥିଲେ ମଧ୍ୟ କୌଣସି ସୁଫଳ ମିଳି ନ ଥିବା ଅଭିଯୋଗ କରିଛନ୍ତି। ଅନ୍ୟପକ୍ଷରେ ସୁକାନ୍ତଙ୍କ ଏପରି ଅବସ୍ଥା ଜାଣିବା ପରେ ବରୀ ଅଞ୍ଚଳର ସାମାଜିକ କର୍ମୀ ତ୍ରିବିକ୍ରମ ମହାନ୍ତି(ଜୁଲୁ) ଶନିବାର ତାଙ୍କ ବାସଭବନରେ ପହଞ୍ଚତ୍ ୫୦ କି.ଗ୍ରା. ଚାଉଳ, ବିସ୍କୁଟ ସହ ଆର୍ଥିକ ସହାୟତା ପ୍ରଦାନ କରିଛନ୍ତି। ତେଣୁ ସୁକାନ୍ତଙ୍କୁ ସହାୟତା ଯୋଗାଇ ଦେବାକୁ ତାଙ୍କ ପରିବାର ଜିଲାପାଳଙ୍କ ନିକଟରେ ନିବେଦନ କରିଛନ୍ତି।