ପାଟଣା,୮।୨(ବୀରକିଶୋର ଦାଶ):କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟଠାରେ ଶନିବାର ଜିଲା ଭାଜପା ସଭାପତି ସୁକଦେବ ମହାନ୍ତଙ୍କୁ ପାଟଣା ବ୍ଲକ ଛକରୁ ଶୋଭାଯାତ୍ରାରେ ନିଆଯାଇଥିଲା। ଏହାପରେ ଭାଜପା ପକ୍ଷରୁ ସଅଁରାପଶି ପଡିଆରେ ସମ୍ବର୍ଦ୍ଧନା ସଭାରେ ଦଳର ଚ୍ଛାମୁଆ ନେତାମାନେ ପୁଷ୍ପଗୁଚ୍ଛ ଉତ୍ତରୀୟ ଦେଇ ସମ୍ବର୍ଦ୍ଧନା ପ୍ରଦାନ କରିଥିଲେ। ଆୟୋଜିତ ସମ୍ବର୍ଦ୍ଧନା ସଭା ପାଟଣା ଭାଜପା ମଣ୍ଡଳ ସଭାପତି ବଜ୍ର ବନ୍ଧୁ ସେଠୀ ଅଧ୍ୟକ୍ଷତାରେ ନବନିର୍ବାଚିତ ଜିଲା ଭାଜପା ସଭାପତି ଶୁକଦେବ ମହାନ୍ତ ଯୋଗଦେଇ ଦଳ ପାଇଁ ସମସ୍ତେ ଏକାଠି ହୋଇ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ।
ଏଥିରେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ଜିଲା ଯୁବମୋର୍ଚ୍ଚା ସଭାପତି ସବୀର ଦାଶ, ଏମପିଙ୍କ ବ୍ଲକ ପ୍ରତିନିଧି ପ୍ରହଲ୍ଲାଦ ପଲେଇ, ମହିଳା ମୋର୍ଚ୍ଚା ଜିଲା ସାଧାରଣ ସମ୍ପାଦକ ସୋମବାରି ମୁଣ୍ଡା, ଜିଲା କୃଷକ ମୋର୍ଚ୍ଚା ସମ୍ପାଦକ ଡମ୍ବରୁଧର ମହାନ୍ତ, ସଂଖ୍ୟା ଲଘୁ ଜିଲା ଉପସଭାପତି ମାନସୁର୍ ଆଲାମ, ପୂର୍ବତନ ମଣ୍ଡଳ ସଭାପତି ରମେଶ ମହାନ୍ତ ପ୍ରମୁଖ ସାମିଲ ହୋଇ ନବନିର୍ବାଚିତ ଜିଲା ସଭାପତି ଶ୍ରୀ ମହାନ୍ତଙ୍କୁ ସମ୍ବର୍ଦ୍ଧିତ କରିବା ସହ ଆଗାମୀ ଦିନରେ ଜିଲାରେ ସଂଗଠନକୁ ଆହୁରି ସୁଦୃଢ କରିବା ପାଇଁ ଉଦବୋଧନ ଦେଇଥିଲେ। ଭାଜପା ବରିଷ୍ଠ ନେତା ଦୁର୍ଗାଚରଣ ନାୟକ, ଲକ୍ଷ୍ମଣ କୁମାର ପତିଟ, ପରମେଶ୍ୱର ପୃଷ୍ଟି ଓ ସଞ୍ଜୟ ପଲେଇ ପ୍ରମୁଖ ଜିଲା ସଭାପତି ଶ୍ରୀ ମହାନ୍ତଙ୍କୁ ବିରାଟକାୟ ଫୁଲମାଳ ପିନ୍ଧାଇ ସମ୍ବର୍ଦ୍ଧିତ କରିଥିଲେ।
