ମୁମ୍ବାଇ: ୨୦୦ କୋଟି ଟଙ୍କା ଲଣ୍ଡରିଂ ମାମଲାରେ ସୁକେଶ ଚନ୍ଦ୍ରଶେଖର ଏକ ଫେମଶ ନାମ ପାଲଟିଥିଲେ। ମାମଲାର ତଦନ୍ତ ପରେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ନାମ ମଧ୍ୟ ପଦାକୁ ଆସଥିଲା। କୁହାଯାଏ ଯେ ସେହି ସମୟରେ ରାମ ସେତୁ ଅଭିନେତ୍ରୀ ର୍ୟୁମର୍ଡ ଅଭିଯୁକ୍ତ ଠକଙ୍କ ସହ ସମ୍ପର୍କ ରଖିଥିଲେ। କିଛି ସମୟ ପରେ, ସେମାନଙ୍କର ବ୍ୟକ୍ତିଗତ ମୁହୂର୍ତ୍ତର ଫଟୋ ଭାଇରାଲ ହୋଇଥିଲା। ଯଦିଓ ଅଭିଯୁକ୍ତ ବର୍ତ୍ତମାନ ଜେଲରେ ଅଛନ୍ତି ଏବଂ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ସହ ତାଙ୍କର କୌଣସି ସମ୍ପର୍କ ନାହିଁ, କିନ୍ତୁ ସମୟ ସହିତ ସେମାନଙ୍କ ପ୍ରେମ କମିନାହିଁ। ସେ ଜେଲରୁ ଲଗାତାର ଭାବେ ଅଭିନେତ୍ରୀଙ୍କୁ ପ୍ରେମ ଚିଠି ଲେଖିବାରେ ଲାଗିଛନ୍ତି।
ଏକ ରିପୋର୍ଟ ଅନୁଯାୟୀ, ଅଭିଯୁକ୍ତ ସୁକେଶ ଚନ୍ଦ୍ରଶେଖର ପୁଣି ଥରେ ତିହାର ଜେଲରୁ ବଲିଉଡ ଅଭିନେତ୍ରୀଙ୍କୁ ଚିଠି ପଠାଇଛନ୍ତି। ତାଙ୍କ ‘ବେବି ଡଲ’କୁ ନିକଟରେ ଦେଇଥିବା ନୋଟରେ ସୁକେଶ ଲେଖିଛନ୍ତି ଯେ ଅଭିନେତ୍ରୀ ଜଣେ ପଶୁପ୍ରେମୀ ହୋଇଥିବାରୁ ତାଙ୍କ ପାଇଁ ୨୫ କୋଟି ଟଙ୍କା ବଜେଟ ସହିତ ପଶୁମାନଙ୍କ ପାଇଁ ଏକ ସ୍ବତନ୍ତ୍ର ଡାକ୍ତରଖାନା ନିର୍ମାଣ ବିଷୟରେ ସେ କହିଛନ୍ତି। ବାସ୍ତବରେ ସେ ଆସନ୍ତା ବର୍ଷ ଜ୍ୟାକଲିନଙ୍କ ଜନ୍ମଦିନରେ ହସ୍ପିଟାଲର ଉଦଘାଟନ କରିବାକୁ ଯୋଜନା କରୁଛନ୍ତି।
ସୁକେଶ ଆହୁରି ଲେଖିଛନ୍ତି, ଆମ ନିକଟରେ ଦେଶର ସର୍ବୋତ୍ତମ ପଶୁ ଡାକ୍ତର ରହିବେ ଏବଂ ସମସ୍ତ ଚିକିତ୍ସା ଏବଂ ଅସ୍ତ୍ରୋପଚାର ମାଗଣାରେ ଦିଆଯିବ, ଯେପରି ତୁମେ ମୋ କଉିନ ହଦି ବି। ମୁଁ ପ୍ରକୃତରେ ଆଶା କରେ ଏହା ତୁମ ମୁହଁରେ ଏକ ସୁନ୍ଦର ହସ ଆଣିବ। ହସ ଏବଂ ପ୍ରେମ ହେଉଛି ଏକମାତ୍ର ଜିନିଷ ଯାହା ମୋତେ ଏହି ସମୟ ମଧ୍ୟରେ ଶକ୍ତି ପ୍ରଦାନ କରୁଛି। ଏମିତି ଏକ ଲଭ ଲେଟର ଲେଖିଛନ୍ତି ସୁକେଶ।
ସୁକେଶ ଚନ୍ଦ୍ରଶେଖର ତାଙ୍କ ପତ୍ରରେ ଶାହରୁଖ ଖାନଙ୍କ ଜୱାନ ଗୀତ ଚଲେୟା ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ଏହି ଚିଠିରେ ଅଭିଯୁକ୍ତ ଠକ କହିଛନ୍ତି ଯେ ଆମେରିକାର ଭାରତୀୟ ପ୍ୟାରେଡରେ ଜ୍ୟାକଲିନ ବହୁତ ସୁନ୍ଦର ଦେଖାଯାଉଥିଲେ ଏବଂ ଏହା ତାଙ୍କୁ ପୁଣିଥରେ ତାଙ୍କ ପ୍ରେମରେ ପକାଇ ଦେଇଥିଲା। ସୁକେଶ ଆହୁରି ଲେଖିଛନ୍ତି ଯେ ସେ ଯବାନ ଚଳଚ୍ଚିତ୍ରରୁ ଚଲେୟା ଗୀତରେ ଡ୍ୟାନ୍ସ କରୁଥିଲେ। ଏହି ପେପି ଗୀତ ପାଇଁ ଅଭିଯୁକ୍ତ ଶାହରୁଖ ଖାନ ଏବଂ ସଙ୍ଗିତକାର ଅନିରୁଦ୍ଧ ରବିଚନ୍ଦରଙ୍କୁ ଧନ୍ୟବାଦ ଜଣାଇଛନ୍ତି। ସୁକେଶ ଏହି ଚିଠିରେ ଗୀତଟିକୁ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ଡେଡିକେଟ କରିଛନ୍ତି।