ମୁମ୍ବାଇ,୧୪।୧୦ : ୨୦୦ କୋଟି ଟଙ୍କାର ମନି ଲଣ୍ଡରିଂ ମାମଲାରେ ଜେଲରେ ଥିବା ମହାଠକ ସୁକେଶ ଚନ୍ଦ୍ରଶେଖର ପୁଣି ଥରେ ଜ୍ୟାକଲିନ ଫର୍ଣ୍ଣାଣ୍ଡିଜ ଚିଠି ଲେଖିଛନ୍ତି। ସୁକେଶ ଚନ୍ଦ୍ରଶେଖର ଏହି ପତ୍ରରେ ଲେଖିଛନ୍ତି ସେ ଜ୍ୟାକଲିନଙ୍କ ପାଇଁ ନବରାତ୍ରୀ ସମୟରେ ନଅ ଦିନ ଉପବାସ ବ୍ରତ କରିବେ। ସୁକେଶ ତାଙ୍କ ଚିଠିରେ ଜ୍ୟାକଲିନଙ୍କୁ ଦୁନିଆର ସବୁଠାରୁ ସୁନ୍ଦରୀ ମହିଳା ବୋଲି ବର୍ଣ୍ଣନା କରିଛନ୍ତି।
ସୁକେଶ ଚିଠିରେ ଲେଖିଛନ୍ତି, ’ମୋର ବେବି ଜ୍ୟାକଲିନ, ଆପଣ ଦୋହା ଶୋ ସମୟରେ ସୁପର ହଟ ଏବଂ ବହୁତ ସୁନ୍ଦର ଦେଖାଯାଉଥିଲେ। ବେବି, ତୁମଠାରୁ ଅଧିକ ସୁନ୍ଦର କେହି ନାହ। ଆସନ୍ତାକାଲି ଠାରୁ ମୁଁ ନବରାତ୍ରୀ ଆରମ୍ଭ କରୁଛି। ଏହି ସମୟ ମଧ୍ୟରେ, ମୁଁ ପ୍ରଥମ ଥର ପାଇଁ ନଅ ଦିନ ଉପବାସ କରିବାକୁ ଯାଉଛି । ଏହା ସହିତ, ମା‘ ସବୁକିଛି ଠିକ କରିବେ ଏବଂ ଆମେ ଶୀଘ୍ର ପରସ୍ପର ସହିତ ରହିବୁ, ଯାହା ହେଉନା କାହିଁକି ଏବଂ ସବୁବେଳେ ଏକାଠି ରହିବୁ ।
ତାଙ୍କ ଚିଠିରେ ସୁକେଶ ଜ୍ୟାକଲିନଙ୍କୁ ସିଂହୀ ବୋଲି କହିଛନ୍ତି। ପ୍ରଥମ ଥର ପାଇଁ ମୁଁ ମାତା ରାଣୀଙ୍କ ନଅ ଦିନ ଉପବାସ ତୁମର ମଙ୍ଗଳ ପାଇଁ କରିବି। ବିଶେଷ କରି ଆମ ଚାରିପାଖରେ ଉପସ୍ଥିତ ଥିବା ନକାରାତ୍ମକତାକୁ ହ୍ରାସ କରିବାକୁ ମୁଁ ଏହି ଉପବାସକୁ ପାଳନ କରିବି। ମାତୃ ଶକ୍ତିଙ୍କର ଆଶୀର୍ବାଦରେ ସବୁକିଛି ଠିକ ହେବ। ମୁଁ ନବରାତ୍ରିରେ ଏକ ସ୍ବତନ୍ତ୍ର ପୂଜା ଆରତୀ ଆୟୋଜନ କରୁଛି । ମାତା ବୈଷ୍ଣୋ ଦେବୀଙ୍କ ମନ୍ଦିର ଏବଂ ମହାକାଳେଶ୍ୱର ମନ୍ଦିରରେ ଏହା ଆୟୋଜିତ ହେବ ।
