ଓ୍ବାଶିଂଟନ, ୧୮ା୮ (ଏପି)-ରୋନି ଓ’ ସୁଲିଭାନ୍ ୪୪ ବର୍ଷ ବୟସରେ ୬ଷ୍ଠ ଥର ପାଇଁ ବିଶ୍ୱ ସ୍ନୁକର ଚାମ୍ପିୟନ ହୋଇଛନ୍ତି। ଫାଇନାଲରେ ସେ ଇଂଲଣ୍ଡର କିରେନ୍ ଓ୍ବିଲସନଙ୍କୁ ୧୮-୮ରେ ପରାସ୍ତ କରିଛନ୍ତି। ଏହାଦ୍ୱାରା ସର୍ବକାଳୀନ ବିଶ୍ୱ ଟାଇଟଲ ଅଧିକାରୀ ଷ୍ଟିଫେନ୍ଙ୍କଠାରୁ ଗୋଟିଏ ବିଜୟ ପଛରେ ରହିଛନ୍ତି। ଷ୍ଟିଭ୍ ଡାଭିସ ଓ ରେ ରିଅଡନ୍ଙ୍କ ସହିତ ସମକକ୍ଷ ହୋଇ ପାରିଛନ୍ତି। ଫାଇନାଲରେ ପହଞ୍ଚତ୍ବା ପାଇଁ ସୁଲିଭାନଙ୍କୁ ବହୁ କଷ୍ଟ କରିବାକୁ ପଡ଼ିଛି। ଦ୍ୱିତୀୟ ରାଉଣ୍ଡରେ ତାଙ୍କୁ ଚାଇନିଜ ଷ୍ଟାର ଡିଙ୍ଗ୍ ଜୁନ୍ହି, କ୍ୱାର୍ଟରଫାଇନାଲରେ ପୂର୍ବତନ ବିଶ୍ୱ ଚାମ୍ପିୟନ ମାର୍କ ଓ୍ବିଲିୟମ୍ସଙ୍କୁ ହରାଇବାକୁ ପଡ଼ିଥିଲା। ସେମିଫାଇନାଲରେ ୩ଥର ବିଜେତା ମାର୍କ ସେଲ୍ବିଙ୍କୁ ପରାସ୍ତ କରିବାକୁ ହୋଇଥିଲା। ଏହି ମ୍ୟାଚ ନିର୍ଣ୍ଣାୟକ ସ୍ଥିତିରେ ପହଞ୍ଚତ୍ୟାଇଥିଲା। ବାମହାତୀ ସୁଲିଭାନ ପୂର୍ବରୁ ୨୦୦୨, ୨୦୦୪, ୨୦୦୮, ୨୦୧୨ ଏବଂ ୨୦୧୩ରେ ବିଶ୍ୱ ଟାଇଟଲ ଜିତିଥିଲେ। ତାଙ୍କ କ୍ୟାରିୟର ର଼୍ୟାଙ୍କିଙ୍ଗ ଟାଇଟଲ ସଂଖ୍ୟା ୩୭ରେ ପହଞ୍ଚତ୍ଛି, ଯାହାକୁ ଏକ ରେକର୍ଡ। ପୁନଶ୍ଚ ସେ ଏକମାତ୍ର ଖେଳାଳି ଭାବେ ୧,୦୦୦ରୁ ଅଧିକ କମ୍ପିଟେଟିଭ୍ ସେଞ୍ଚୁରି କରିଛନ୍ତି। ସେ ଆହୁରି ମଧ୍ୟ ୧୫ କମ୍ପିଟେଟିଭ୍ ପ୍ଲେରେ ସର୍ବାଧିକ ୧୪୭ ବ୍ରେକ୍ କରିଛନ୍ତି। ତନ୍ମଧ୍ୟରେ ୧୯୯୭ ବିଶ୍ୱ ଚାମ୍ପିୟନଶିପ୍ରେ ଏକ ଅଫିସିଆଲ ଟାଇମିଂ ମାତ୍ର ୫ ମିନିଟ୍ ଓ ୨୦ ସେକେଣ୍ଡ ରହିଛି।
