ପୁରୀ ଅଫିସ, ୧୧।୧: ମହାପ୍ରଭୁଙ୍କ ଉଦ୍ଦେଶ୍ୟରେ ରବିବାର ଭୁବନେଶ୍ୱର ନିବାସୀ ପଦ୍ମଚରଣ ପାତ୍ର ୩ ହଳ ସୁବର୍ଣ୍ଣ ସୂର୍ଯ୍ୟ-ଚନ୍ଦ୍ର ଦାନ କରିଛନ୍ତି। ପଦ୍ମଚରଣ ସସ୍ତ୍ରୀକ ଶ୍ରୀମନ୍ଦିର ପ୍ରଶାସନିକ କାର୍ଯ୍ୟାଳୟରେ ପହଞ୍ଚି ମୁଖ୍ୟ ପ୍ରଶାସକ କ୍ରିଷନ କୁମାରଙ୍କୁ ୩ ହଳ ସୁବର୍ଣ୍ଣ ସୂର୍ଯ୍ୟ-ଚନ୍ଦ୍ର ପ୍ରଦାନ କରିଥିଲେ। ଏହାକୁ ପ୍ରସ୍ତୁତ କରିବା ପାଇଁ ୩୧୯ ଗ୍ରାମ ସୁନା ଓ ୮୨୨ ଗ୍ରାମର ରୁପା ବ୍ୟବହୃତ ହୋଇଛି। ପରବର୍ତ୍ତୀ ସମୟରେ ଏହି ସୁବର୍ଣ୍ଣ ସୂର୍ଯ୍ୟ-ଚନ୍ଦ୍ର ତିନିଠାକୁରଙ୍କଠାରେ ଲାଗିବ ବୋଲି ମୁଖ୍ୟ ପ୍ରଶାସକ କହିଛନ୍ତି। ଅନ୍ୟପକ୍ଷରେ ପଦ୍ମଚରଣ କହିଛନ୍ତି, ସେ ମହାପ୍ରଭୁଙ୍କର ଜଣେ ବଡ଼ ଭକ୍ତ। ମହାପ୍ରଭୁଙ୍କ କୃପାରୁ ତାଙ୍କ ପାଖକୁ ଧନ ଓ ଐଶ୍ଚର୍ଯ୍ୟ ଆସିପାରିଛି। ତିନିଠାକୁରଙ୍କ ସେବାରେ ତାଙ୍କ ସୁନା, ରୁପା ଲାଗିପାରିଲେ ଏହା ତାଙ୍କ ପାଇଁ ଗର୍ବର ବିଷୟ ହେବ।