ଜି.ଉଦୟଗିରି,୨।୭(ଡି.ଏନ୍.ଏ.): କନ୍ଧମାଳ ଜିଲା ଜି. ଉଦୟଗିରି ଜଗନ୍ନାଥ ମନ୍ଦିରରେ ଗୁରୁବାର ବିନା ଭକ୍ତରେ ତିନି ଠାକୁରଙ୍କ ସୁନାବେଶ ଅନୁଷ୍ଠିତ ହୋଇଯାଇଛି । ଭୋଗ ମଣ୍ଡପରେ ସକାଳର ରୀତିନୀତି ପରେ ସୁନାବେଶ କରାଯାଇଛି । ପୂଜକ ଅଚୁତ୍ୟ ପଣ୍ଡା, ଚନ୍ଦ୍ର କାନ୍ତ ପଣ୍ଡା ଓ ମନ୍ଦିର କମିଟି ସହ ସମ୍ପାଦକ କାଳୁ ଚରଣ ପଣ୍ଡା ତିନି ଠାକୁରଙ୍କୁ ସୁନାବେଶ କରାଇଛନ୍ତି । ମନ୍ଦିର କମିଟି ସଭାପତି ରାଜେନ୍ଦ୍ର ମହାପାତ୍ର, ସମ୍ପାଦକ ସମୀର ପାଢ଼ୀ, ସଞ୍ଜୟ ଆଚାର୍ଯ୍ୟ ଅଶୋକ କୁମାର ପାତ୍ର ଓ ସନ୍ତୋଷ ଆଚାର୍ଯ୍ୟ ମନ୍ଦିର ଭିତରେ ଉପସ୍ଥିତ ରହି ଏହି କାର୍ଯ୍ୟ ସମ୍ପାଦନ କରବିନା ଭକ୍ତରେ ତିନି ଠାକୁରଙ୍କ ସୁନାବେଶ କରିଛନ୍ତି । ଚଳିତ ବର୍ଷ ଗୁଣ୍ଡିଚା ଯାତ୍ରାଠାରୁ ସୁନାବେଶ ପର୍ଯ୍ୟନ୍ତ ବିନା ଭକ୍ତରେ କେବଳ ବିଧି ପାଳନ କରାଯାଇଛି। ତେଣୁ ଭକ୍ତମାନଙ୍କ ମଧ୍ୟରେ ନିରାଶ ଭାବ ଦେଖିବାକୁ ମିଳିଛି। ଶୁକ୍ରବାର ଦିନ ନିଳାଦ୍ରୀ ବିଜେ କରାଯିବ ବୋଲି ପୁରହିତ ସଞ୍ଜୟ ଆଚାର୍ଯ୍ୟ କହିଛନ୍ତି ।