ଉଦଳା,୨୧।୮(ଡି.ଏନ୍.ଏ.): ମର୍ନିଂଓ୍ବାକ ବେଳେ ଜଣେ ମହିଳା ଲୁଟ୍ର ଶିକାର ହୋଇଛନ୍ତି। ଦୁର୍ବୃତ୍ତମାନେ ତାଙ୍କ ବେକରୁ ସୁନାଚେନ୍ ଝାମ୍ପି ନେଇଛନ୍ତି। ରବିବାର ଏଭଳି ଏକ ଘଟଣା ଘଟିଛି ମୟୂରଭଞ୍ଜ ଜିଲା ଉଦଳା ଏନ୍ଏସି ଅଧୀନ ୩ ନମ୍ବର ୱାର୍ଡରେ।
ୱାର୍ଡର ମିତାରାଣୀ ମଲ୍ଲିକ ମର୍ନିଂୱାକରେ ଯାଇଥିଲେ। ସେ ଘରଠାରୁ କିଛି ଦୂର ଯାଇଥିବା ବେଳେ ଦୁଇଜଣ ଯୁବକ ବାଇକ୍ରେ ଆସି ତାଙ୍କୁ ଜଣେ ବ୍ୟକ୍ତିଙ୍କ ଠିକଣା ପଚାରିଥିଲେ। ସେ ଠିକଣା ଜାଣି ନ ଥିବା କହିବା ପରେ ସେମାନଙ୍କ ମଧ୍ୟରୁ ଜଣେ ମିତାରାଣୀ ପିନ୍ଧିଥିବା ସୁନାଚେନ୍ ଝାମ୍ପି ନେଇଥିଲେ। ପରେ ସେମାନେ ଫେରାର ହୋଇଯାଇଥିଲେ। ତେବେ ଅଧା ଛିଣ୍ଡା ସୁନାଚେନ୍ ମିତାରାଣୀଙ୍କ ପାଖରେ ରହିଥିବା ବେଳେ ଉଦଳା ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି।