ଚେନ୍ନାଇ,୮।୨: ଭାରତ ଏବଂ ଇଂଲଣ୍ଡ ମଧ୍ୟରେ ଚେନ୍ନାଇରେ ଚାଲିଥିବା ପ୍ରଥମ ଟେଷ୍ଟରେ ଭାରତ ପ୍ରଥମ ଇନିଂସରେ ୩୩୭ ରନ୍ରେ ଅଲଆଉଟ୍ ହୋଇଯାଇଛି। ଇଂଲଣ୍ଡର ପ୍ରଥମ ଇନିଂଶ ସ୍କୋର ୫୭୮ ରନ୍ ଜବାବରେ ଭାରତ ୩୩୭ ରନ୍ କରିବାରେ ସମର୍ଥ ହୋଇଛି। ଏଥିସହ ଘରୋଇ ଦଳ ଏବେ ବି ୨୪୧ ରନ୍ ପଛରେ ରହିଛି। ଭାରତ ପକ୍ଷରୁ ଓ୍ବାଶିଟନ୍ ସୁନ୍ଦର ଚମତ୍କାର ଖେଳି ୧୩୮ ବଲ୍ରେ ୧୨ଟି ଚୌକା ଏବଂ ୨ଟି ଛକା ସହ ୮୫ ରନ୍ରେ ଅପରାଜିତ ରହିଥିଲେ। ଏହାସଭୟ ଭାରତର ପକ୍ଷରୁ ଚେତେଶ୍ୱର ପୂଜାର ୭୩, ରିଷଭ ପନ୍ତ ୯୧ ରନ୍ର ପାଳି ଖେଳିଥିଲେ। ଇଂଲଣ୍ଡ ତରଫରୁ ଜେମ୍ସ ଆଣ୍ଡରସନ୍, ଜୋଫ୍ରା ଆର୍ଚର ଏବଂ ଜ୍ୟାକ୍ ଲିଚ୍ ୨-୨ ଲେଖାଏ ଉଇକେଟ୍ ନେଇଥିଲେ। ୨୪୧ ରନ୍ ଆଗୁଆ ସହ ଇଂଲଣ୍ଡ ତାର ଦ୍ୱିତୀୟ ଇନିଂସ ଆରମ୍ଭ କରିଛି।