ନୂଆଦିଲ୍ଲୀ,୨୯।୯: ନିକଟରେ ଟିମ ଇଣ୍ଡିଆର ଅଧିନାୟକ ବିରାଟ କୋହଲି ଭାରତର ଟି -୨୦ ଅଧିନାୟକତ୍ୱ ଛାଡିବାକୁ ଘୋଷଣା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି। ୨୦୨୧ ଟି -୨୦ ବିଶ୍ୱକପ ପରେ ବିରାଟ କୋହଲି ଭାରତର ଟି -୨୦ ଅଧିନାୟକତ୍ୱରୁ ଇସ୍ତଫା ଦେବେ। ଏଭଳି ପରିସ୍ଥିତିରେ ଭାରତର ମହାନ କ୍ରିକେଟର ସୁନୀଲ ଗାଭାସ୍କର କହିଛନ୍ତି ବିରାଟ କୋହଲିଙ୍କ ସ୍ଥାନରେ ଭାରତର ଟି -୨୦ ବିଶ୍ୱକପ୍ର ଅଧିନାୟକତ୍ୱ ରୋହିତ ଶର୍ମାଙ୍କୁ ଦିଆଯାଉ।
ସୁନୀଲ ଗାଭାସ୍କର କହିଛନ୍ତି ଯେ, ଆଗାମୀ ଦୁଇ ବିଶ୍ୱକପ ପାଇଁ ରୋହିତ ଶର୍ମାଙ୍କୁ ଭାରତୀୟ ଦଳର ଅଧିନାୟକ କରାଯିବା ଉଚିତ୍। ଗାଭାସ୍କର କହିଛନ୍ତି ଯେ, ଟି-୨୦ ବିଶ୍ୱକପ ଲଗାତାର ଦୁଇ ବର୍ଷ ହେବ ଏବଂ ଏଥିପାଇଁ ରୋହିତ ଶର୍ମାଙ୍କୁ ଦଳର ଅଧିନାୟକ କରାଯିବା ଉଚିତ୍। ମୁଁ ଉପ-ଅଧିନାୟକ ପାଇଁ କେ.ଏଲ ରାହୁଲଙ୍କ ସହ ଯିବି। ରିଷଭ ପନ୍ତଙ୍କ ନାମ ମଧ୍ୟ ମୋ ମନରେ ଅଛି କାରଣ ସେ ଦିଲ୍ଲୀ କ୍ୟାପିଟାଲ୍ସକୁ ବହୁତ ପ୍ରଭାବଶାଳୀ ଭାବରେ ଅଧିନାୟକତ୍ୱ କରିଛନ୍ତି।