ନୂଆଦିଲ୍ଲୀ,୨୫।୭: ଟିମ୍ ଇଣ୍ଡିଆର କୋଚ୍ ହେବା ପରେ ଆଇପିଏଲ୍ ଭଳି ରଣନୀତି ଆପଣାଇବାକୁ ଯାଉଛନ୍ତି ଗୌତମ ଗମ୍ଭୀର। ଏବେ ସେ ଏଭଳି ଜଣେ ଖେଳାଳିଙ୍କୁ ଖୋଜିବାରେ ସଫଳ ହୋଇଛନ୍ତି, ଯିଏ ବିଲକୁଲ୍ ସୁନୀଲ ନରେନଙ୍କ ଭଳି ଖେଳିବେ। ତାଙ୍କ ଉପରେ ମଇଦାନକୁ ଯାଇ ଚୌକା ଛକା ମାରିବାର ଦାୟିତ୍ୱ ରହିବ। ସେ ହେଲେ ଓ୍ବାଶିଂଟନ ସୁନ୍ଦର। ଏବେ ଗମ୍ଭୀର ଓ୍ବାଶିଂଟନଙ୍କୁ ସୁନୀଲ ନରେନଙ୍କ ଭୂମିକା ଦେବାକୁ ନିଶ୍ଚିତ କରିଛନ୍ତି।
ରିପୋର୍ଟ ମୁତାବକ, ଗମ୍ଭୀର ଓ୍ବାଶିଂଟନଙ୍କୁ ବିସ୍ଫୋରକ ବ୍ୟାଟିଂର ଦାୟିତ୍ୱ ଦେଇଛନ୍ତି। ଏହି ଖେଳାଳିଙ୍କୁ ଲଗାତାର ୨ ଅଭ୍ୟାସ ମ୍ୟାଚ୍ରେ ନମ୍ବର ୩ରେ ବ୍ୟାଟିଂ କରାଯାଇଛି। ଏହି ସମୟରେ ସେ ବଡ଼ ଛକା ଚୌକାର ଅଭ୍ୟାସ କରିଛନ୍ତି। ଅର୍ଥାତ ତାଙ୍କୁ କେବଳ ଛାକ-ଚୌକା ମାରିବାକୁ କୁହାଯାଇଛି। ସୁନୀଲ ନରେନଙ୍କ ଭଳି ଓ୍ବାଶିଂଟନ ବାମହାତୀ ବ୍ୟାଟ୍ସମ୍ୟାନ ସାଙ୍ଗକୁ ଭଲ ବୋଲିଂ କରିଥାନ୍ତୁ। ଏଣୁ ଦଳକୁ ଫାଇଦା ମିଳିବ ବୋଲି କୁହାଯାଉଛି।
୨୪ ବର୍ଷୀୟ ସୁନ୍ଦର ଯି୨୦, ଦିନିକିଆ ଏବଂ ଟେଷ୍ଟ ତିନୋଟି ଯାକ ଫର୍ମାଟରେ ଅର୍ଦ୍ଧଶତକ ମାରୁଛନ୍ତି। ରାଞ୍ଚିରେ ଗତବର୍ଷ ନ୍ୟୁଜିଲାଣ୍ଡ ବିପକ୍ଷ ମୁକାବିଲାରେ ସୁନ୍ଦର ମାତ୍ର ୨୬ ବଲ୍ରେ ୫୦ ରନ୍ କରି ଚର୍ଚ୍ଚାକୁ ଆସିଥିଲେ। ଏଣୁ ସେ ଭଲ ବ୍ୟାଟିଂ କରିବେ ବୋଲି ଆଶା କରାଯାଉଛି। ଏବେ ଗମ୍ଭୀରଙ୍କ ଏଭଳି ପ୍ରୟୋଗ ସଫଳ ହେବ କି ନାହିଁ ତାହା ଆଗାମୀ ଦିନରେ ସ୍ପଷ୍ଟ ହେବ ବୋଲି କୁହାଯାଉଛି।