ଓ୍ବାଶିଂଟନ,୨୯।୧୦: ନାସାର ମହାକାଶଚାରୀ ସୁନୀତା ୱିଲିୟମ୍ସ ଅନ୍ତର୍ଜାତୀୟ ସ୍ପେସ ଷ୍ଟେସନ (ଆଇଏସଏସ) ରୁ ଦୀପାବଳି ଶୁଭେଚ୍ଛା ପଠାଇଛନ୍ତି। ଇତିମଧ୍ୟରେ ହ୍ବାଇଟ ହାଉସରେ ଏକ ଦିୱାଲୀ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହି ସମୟରେ, ଏକ ଭିଡିଓ ବାର୍ତ୍ତା ମାଧ୍ୟମରେ ସୁନୀତା ୱିଲିୟମ୍ସ ଦୀପାବଳି ଅବସରରେ ଆମେରିକା ଏବଂ ବିଶ୍ୱବାସୀଙ୍କୁ ଅଭିନନ୍ଦନ ଜଣାଇଛନ୍ତି। ସୂଚନାଯୋଗ୍ୟ, ସୁନୀତା ୱିଲିୟମ୍ସ ଦୀର୍ଘ ସମୟ ଧରି ମହାକାଶରେ ଅଟକି ରହିଛନ୍ତି।
ୱିଲିୟମ୍ସ ତାଙ୍କ ବାର୍ତ୍ତାରେ କହିଛନ୍ତି, ଆଇଏସଏସ ତରଫରୁ ଶୁଭେଚ୍ଛା। ମୁଁ ହ୍ବାଇଟ ହାଉସ ଏବଂ ଆଜି ଦିୱାଲୀ ପାଳନ କରୁଥିବା ବିଶ୍ୱର ସମସ୍ତଙ୍କୁ ମୋର ଶୁଭେଚ୍ଛା ଜଣାଉଛି। ଚଳିତ ବର୍ଷ ମୋର ISS, 260 ରେ ଦିୱାଲୀ ପାଳନ କରିବାର ଅନନ୍ୟ ସୁଯୋଗ ଅଛି।
ସୁନିତା କହିଛନ୍ତି ମୋର ପିତା ସବୁବେଳେ ଆମକୁ ଦୀପାବଳି ଓ ଅନ୍ୟାନ୍ୟ ଭାରତୀୟ ପର୍ବ ବିଷୟରେ କୁହନ୍ତି ସ ନିଜ ସଂସ୍କୃତିକୁ ବଞ୍ଚାଇ ରଖିବାକୁ କୁହନ୍ତି। ଦୀପାବଳି ଖୁସିର ପର୍ବ, କାରଣ ବିଶ୍ୱରେ ଭଲ ଲାଗି ରହିଛି। ପ୍ରବାସୀ ଭାରତୀୟଙ୍କ ସହ ଦୀପାବଳି ପାଳନ କରିଥିବାରୁ ସେ ଆମେରିକାର ରାଷ୍ଟ୍ରପତି ଓ ୁପ ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇଛନ୍ତି।
ସୂଚନାଯୋଗ୍ୟ, ଭାରତୀୟ ମୂଳବାସିନ୍ଦା ମହାକାଶଚାରୀ ସୁନୀତା ୱିଲିୟମ୍ସ ଏବଂ ତାଙ୍କ ସହଯୋଗୀ ମହାକାଶଚାରୀ ବୁଚ ୱିଲମୋର ଜୁନ ମାସରୁ ଆନ୍ତର୍ଜାତୀୟ ସ୍ପେସ ଷ୍ଟେସନ (ଆଇଏସଏସ) ରେ ଅଛନ୍ତି। ଉଭୟ ମହାକାଶଚାରୀ ଜୁନ ୫ରେ ବୋଇଙ୍ଗର ଷ୍ଟାରଲିନର୍ ମହାକାଶଯାନକୁ ନେଇ ଜୁନ ୬ରେ ଅଇଏସଏସରେ ପହଞ୍ଚିଥିଲେ।
କିନ୍ତୁ ବୈଷୟିକ ତ୍ରୁଟି କାରଣରୁ, କ୍ରୁ ବିନା ଷ୍ଟାରଲାଇନରକୁ ପୃଥିବୀକୁ ଫେରାଇବାକୁ ନିଷ୍ପତ୍ତି ନିଆଗଲା। ଏହା ପରେ, ଏହି ବୋଇଙ୍ଗ ମହାକାଶଯାନ ସେପ୍ଟେମ୍ବର ୬ରେ ସଫଳତାର ସହ ପୃଥିବୀକୁ ଫେରିଗଲା। ଅଗଷ୍ଟରେ ନାସା କହିଛି ଯେ ୱିଲମୋର ଏବଂ ୱିଲିୟମ୍ସଙ୍କୁ ପୃଥିବୀକୁ ଫେରାଇବା ଅତ୍ୟନ୍ତ ବିପଦଜନକ ଅଟେ। ଉଭୟ ଯାତ୍ରୀ ଏକ ସପ୍ତାହ ପାଇଁ ମହାକାଶରେ ରହିବାକୁ ଯାଉଥିଲେ। କିନ୍ତୁ ବର୍ତ୍ତମାନ ସେମାନେ ଆସନ୍ତା ବର୍ଷ ଫେବୃଆରୀରେ ଫେରିବେ ବୋଲି ଆଶା କରାଯାଉଛି।