ଓ୍ବାଶିଂଟନ, ୧୪।୧୧: ଆମେରିକୀୟ ମହାକାଶ ସଂସ୍ଥା(ନାସା)ର ଆଷ୍ଟ୍ରୋନଟ ସୁନୀତା ଓ୍ବିଲିୟମ୍ସ ବୁଧବାର ଆନ୍ତ୍ରର୍ଜାତୀୟ ମହାକାଶ କେନ୍ଦ୍ର(ଆଇଏସ୍ଏସ୍)ରୁ ନିଜ ସ୍ବାସ୍ଥ୍ୟ ସମ୍ବନ୍ଧରେ ସୂଚନା ଦେଇଛନ୍ତି। ଏକ ଭିଡିଓ ବାର୍ତ୍ତା ଜାରି କରି ସେ କହିଛନ୍ତି, ଗତ ଜୁନ୍ ମାସରେ ଆଇଏସ୍ଏସ୍କୁ ଆସିବା ସମୟରେ ତାଙ୍କର ଯାହା ଓଜନ ଥିଲା, ଏବେ ମଧ୍ୟ ତାହା ବଜାୟ ରହିଛି। ମହାକାଶରେ ଆଷ୍ଟ୍ରୋନଟମାନଙ୍କ ରହିଥିବା ଗାଇଡଲାଇନ୍ ଅନୁଯାୟୀ ତାଙ୍କୁ ଲଗାତର କଠୋର ବ୍ୟାୟାମ କରିବାକୁ ପଡ଼ୁଛି। ସେଥିପାଇଁ ତାଙ୍କର ଶାରୀରିକ ରୂପ ବଦଳିଯାଇଛି। ତେବେ ତାଙ୍କର କୌଣସି ଓଜନ ହ୍ରାସ ହୋଇ ନାହିଁ ଏବଂ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ବୋଲି ସୁନୀତା କହିଛନ୍ତି।
