ନୂଆଦିଲ୍ଲୀ,୧୦।୫: ଶୁକ୍ରବାର ସୁପ୍ରିମକୋର୍ଟ ଦିଲ୍ଲୀର ମଦ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ସ୍ତ୍ରୀ ସୁନୀତା କେଜରିୱାଲଙ୍କ ସମେତ ସମଗ୍ର ଆମ ଆଦମୀ ପାର୍ଟି ଉତ୍ସବ ପାଳନ କରୁଛି। ଦିଲ୍ଲୀ ମୁଖ୍ୟମନ୍ତ୍ରୀ ଜାମିନ ପାଇବା ପରେ ସୁନୀତା କେଜରିୱାଲ ପ୍ରଥମେ କାହାକୁ ଭେଟିଥିଲେ ବୋଲଇ ପ୍ରଶ୍ନ ଉଠୁଛି। କୁହାଯାଉଛି ଯେ କେଜରିୱାଲ ଆଜି ସା ସୁଦ୍ଧା ଜେଲରୁ ବାହାରିପାରନ୍ତି। ଏହି ସମୟରେ ତାଙ୍କ ସ୍ତ୍ରୀ ସୁନୀତା ତାଙ୍କ ସ୍ବାମୀଙ୍କ ଘନିଷ୍ଠ ବନ୍ଧୁ ବୈଭବ କୁମାରଙ୍କୁ ଭେଟିଥିଲେ। ବୈଭବ ମଧ୍ୟ ଅରବିନ୍ଦ କେଜରିୱାଲଙ୍କ ବ୍ୟକ୍ତିଗତ ସଚିବ ଅଟନ୍ତି। ବୈଠକର ସମୟ ୨ ଟା ପୂର୍ବରୁ ସ୍ଥିର ହୋଇସାରିଛି। ଯେତେବେଳେ କେଜରିୱାଲଙ୍କୁ ମଧ୍ୟବର୍ତ୍ତୀକାଳୀନ ଜାମିନ ମିଳିଲା, ସେତେବେଳେ ସେ ତାଙ୍କ ସ୍ତ୍ରୀ ସୁନୀତା କେଜରିୱାଲ ଏବଂ ଘନିଷ୍ଠ ବନ୍ଧୁ ବୈଭବଙ୍କୁ ଭେଟିବାରେ ବ୍ୟସ୍ତ ଥିଲେ।
ସୂଚନାଯୋଗ୍ୟ, ମାର୍ଚ୍ଚ ୨୧ରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଇଡି ଗିରଫ କରିଥିଲା। ହେପାଜତ ଶେଷ ହେବା ପରେ ମୁଖ୍ୟମନ୍ତ୍ରୀଙ୍କୁ ନ୍ୟାୟିକ ହେପାଜତରେ ତିହାର ଜେଲକୁ ପଠାଯାଇଥିଲା। ଦିଲ୍ଲୀର ମଦ ସ୍କାମ ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ତାଙ୍କୁ ଅଭିଯୁକ୍ତ କରିଛି। ଏହି ମାମଲାରେ ଇଡି ମଧ୍ୟ ଟ୍ରାଏଲ କୋର୍ଟରେ ଏକ ଚାର୍ଜସିଟ ଦାଖଲ କରିଛନ୍ତି।