ମହାକାଶରେ ଥାଇ ମା’ଙ୍କ ସହ କଥା ହେଲେ ସୁନୀତା ଓ୍ବିଲିୟମ୍ସ, ଦେଲେ ଏହି ବଡ଼ ସୂଚନା, କହିଲେ ତୁମେ…
05 ଓ୍ବାଶିଂଟନ,୨ା୯: ମହାକାଶରେ ଫସି ରହିଥିବା ଭାରତୀୟ ବଂଶୋଦ୍ଭବ ତଥା ନାସାର ମହାକାଶଚାରୀ ସୁନୀତା ଓ୍ବିଲିୟମ୍ସଙ୍କ ବିଷୟରେ ଏକ ବଡ଼ ତଥ୍ୟ ସାମ୍ନାକୁ ଆସିଛି। ସେ ତାଙ୍କ ମା’ଙ୍କ ସହ କଥା ହୋଇଛନ୍ତି। ସେଠାରେ ଥିବା ବୈଷୟିକ ଗ୍ଲିଚ୍ ବିଷୟରେ ସୁନୀତା ମଧ୍ୟ ତାଙ୍କ ମା’ଙ୍କୁ କହିଥିଲେ। କିଛି ବୈଷୟିକ କାରଣରୁ ବିଳମ୍ବ ହେଉଛି ବୋଲି ସେ କହିଛନ୍ତି। ପୃଥିବୀକୁ ନିରାପଦ ପ୍ରତ୍ୟାବର୍ତ୍ତନ ପାଇଁ ସୁନୀତା ତାଙ୍କ ମା’ଙ୍କୁ ଆଶ୍ୱାସନା ଦେଇଛନ୍ତି। ସୁନୀତା ତାଙ୍କ ମା ବୋନି ପାଣ୍ଡ୍ୟାଙ୍କୁ ଚିନ୍ତା କରନ୍ତୁ ନାହିଁ ଏବଂ ସେ ନିରାପଦରେ ଫେରିବେ ବୋଲି କହିଛନ୍ତି।
ଏକ ସାକ୍ଷାତକାରେ ସୁନୀତାଙ୍କ ମା’ ବୋନି ପାଣ୍ଡ୍ୟା କହିଛନ୍ତି, ସୁନୀତା ମୋତେ ତା’ ବିଷୟରେ ଚିନ୍ତା ନକରିବାକୁ କହିଥିଲେ, ସବୁ ଠିକ୍ ହୋଇଯିବ କହିଥିଲେ। ଯେତେବେଳେ ତାଙ୍କ ଝିଅର ମହାକାଶରେ ରହିବାର ଅବଧି ବିଷୟରେ ପଚରାଗଲା, ବୋନି କହିଥିଲେ, ମୁଁ ୨୦ ବର୍ଷ ଧରି ଜଣେ ମହାକାଶଚାରୀଙ୍କ ମା’ଥିଲି ଏବଂ ଏହା ହେଉଛି ତାଙ୍କର ତୃତୀୟ ଯାତ୍ରା। କିଛି ସମସ୍ୟା ଥାଇପାରେ, କିନ୍ତୁ ମୁଁଭାବୁନାହୁଁ କୌଣସି ବଡ଼ ସମସ୍ୟା ଅଛି। ନାସା ଅଧିକାରୀମାନେ ନିଶ୍ଚିତ କରିବାକୁ ଚାହୁଁଛନ୍ତି ଯେ, ସେମାନେ ସୁରକ୍ଷିତ ଅଛନ୍ତି। ତେଣୁ ସେମାନେ ତାଙ୍କୁ ଆଉ କିଛି ସମୟ ସେଠାରେ ରଖିବାକୁ ନିଷ୍ପତ୍ତି ନେଇଛନ୍ତି।
ଚଳିତ ବର୍ଷ ଜୁନ୍ରେ ସୁନୀତା ଓ୍ବିଲିୟମ୍ସ ଏବଂ ନାସାର ମହାକାଶଚାରୀ ବଚ୍ ଓ୍ବିଲ୍ମୋରଙ୍କୁ ବୋଇଂର ଷ୍ଟାର୍ଲାଇନର ମହାକାଶଯାନରେ ଥିବା ଅନ୍ତର୍ଜାତୀୟ ସ୍ପେସ୍ ଷ୍ଟେଶନକୁ ପଠାଯାଇଛି। ଏହି ମିଶନ ଏକ ସପ୍ତାହ ପର୍ଯ୍ୟନ୍ତ ଚାଲିବାକୁ ଥିଲା, କିନ୍ତୁ ହିଲିୟମ ଲିକ୍ ଏବଂ ଅନ୍ୟାନ୍ୟ ବୈଷୟିକ ତ୍ରୁଟି ଯୋଗୁ ସେମାନଙ୍କୁ ସେଠାରେ ଅଟକି ରହିବାକୁ ପଡ଼ିଲା। ନାସା ଏକ ସରକାରୀ ବିବୃତ୍ତିରେ ମଧ୍ୟ ଏହି ପରିସ୍ଥିତିକୁ ଦର୍ଶାଇଥିଲା। ଓ୍ବିଲ୍ମୋର ଏବଂ ସୁନୀତା ଫେବୃଆରୀ ୨୦୨୫ ସୁଦ୍ଧା ଫେରିବାକୁ ସକ୍ଷମ ହେବେ। ଏଜେନ୍ସିର ସ୍ପେସ୍ ଏକ୍ସ କ୍ରୁ -୯ ମିଶନରେ ନିଯୁକ୍ତ ଅନ୍ୟ ଦୁଇଜଣ କ୍ରୁ ସଦସ୍ୟଙ୍କ ସହ ସେମାନେ ଘରକୁ ଫେରିବେ।
ନାସା ଅଧିକାରୀମାନେ କହିଛନ୍ତି, ଫେବୃଆରୀ ୨୦୦୩ରେ ଭାରତୀୟ ବଂଶୋଦ୍ଭବ ା ଆମେରିକୀୟ ମହାକାଶଚାରୀ କଳ୍ପନା ଚାଓ୍ବଲା ଏବଂ ଅନ୍ୟ ୬ ଜଣ ପ୍ରାଣ ହରାଇଥିଲେ। ତାଙ୍କର ସ୍ପେସ୍ ସଟଲ କଲମ୍ବିଆ ଠାରେ ଜଳିଗଲା। ଯେତେବେଳେ ସ୍ପେସ୍ ସଟଲ ପୃଥିବୀର ବାୟୁମଣ୍ଡଳରେ ପ୍ରବେଶ କରିଥିଲା ସେତେବେଳେ ଏହି ଦୁର୍ଘଟଣା ଘଟିଥିଲା। ନାସା ଅଧିକାରୀଙ୍କ ପାଇଁ ଏହା ଏକ ବଡ଼ ଝଟ୍କା ଥିଲା, ତେଣୁ ନାସା କହି ସେ ଭୁଲ୍ ଆଉ ହେବ ନାହିଁ, ଏବେ ସତର୍କତା ଅବଲମ୍ବନ କରାଯାଉଛି।