ମୁମ୍ବାଇ: ବଲିଉଡ ଅଭିନେତା ସନ୍ନି ଦେଓଲଙ୍କ ପୁଅ ତଥା ଅଭିନେତା କରନ ଦେଓଲ ନାମିଦାମି ଫିଲ୍ମ ମେକର ବିମଲ ରୟଙ୍କ ଅଣ ନାତୁଣୀ(ବିମଲ ରୟଙ୍କ ଝିଅ ରିଙ୍କୁ ଭଟ୍ଟାଚାର୍ଯ୍ୟ ଓ ବାସୁ ଭଟ୍ଟାଚାର୍ଯ୍ୟଙ୍କ ନାତୁଣୀ)ଦ୍ରିଶା ଆଚାର୍ଯ୍ୟଙ୍କ ବିବାହର କିଛି ଫଟୋ ଏବେ ସାମ୍ନାକୁ ଆସିଛି। ବିବାହ ଫଙ୍କସନ ମୁମ୍ବାଇର ତାଜ ଲ୍ୟାଣ୍ଡସ ଆଣ୍ଡ ହୋଟେଲରେ ହୋଇଛି। କରନ ଓ ଦ୍ରିଶାଙ୍କ ବିବାହ ଆର୍ଯ୍ୟ ସମାଜର ରିତିନୀତି ଅନୁଯାୟୀ ଅଗ୍ନି ସାମ୍ନାରେ ସାତ ଫେରା ନେଇ ହୋଇଛି। ଏହି ବିବାହର ରିସେପଶନ ବି ସେହି ହୋଟେଲରେ ରବିବାର ରାତିରେ ହେବ ବୋଲି ଜଣାପଡିଛି।
ସୂଚନାଯୋଗ୍ୟ, ୨୦୧୯ରେ କରନ ଦେଓଲ ‘ପଲ ପଲ ଦିଲ କେ ପାସ’ ମାଧ୍ୟମରେ ବଲିଉଡରେ ଡେବ୍ୟୁ କରିଥିଲେ। ଏହାପରେ ୨୦୨୧ରେ ମୁଭି ଭିଲ୍ଲେରେ ବି ସେ କାମ କରିଥିଲେ। ଏପଟେ ଦ୍ରିଶାଙ୍କ ପିତା ସୁମିତ ଆଚାର୍ଯ୍ୟ ଓ ମାଆ ଚିମୁ ଆଚାର୍ଯ୍ୟ ଦୁବଇରେ ରୁହନ୍ତି। ଦ୍ରିଶା ତାଙ୍କ ମାଆଙ୍କର ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀରେ ନ୍ୟାସନାଲ ପ୍ରୋଗ୍ରାମ ମ୍ୟାନେଜର ଭାବେ କାମ କରନ୍ତି।
