ବଲିଉଡ୍ ଅଭିନେତା ଧର୍ମେନ୍ଦ୍ରଙ୍କ ପୁଅ ତଥା ବଲିଉଡ୍ ସୁପରଷ୍ଟାର ସନ୍ନି ଦେଓଲଙ୍କୁ ସ୍ତ୍ରୀ ପୂଜାଙ୍କ ସହ ଖୁବ୍ କମ୍ ଦେଖିବାକୁ ମିଳିଥାଏ। କାରଣ ପୂଜା ଲାଇମ୍ଲାଇଟ୍ରୁ ସବୁବେଳେ ଦୂରରେ ରହିବାକୁ ପସନ୍ଦ କରନ୍ତି। ହେମା ମାଳିନିଙ୍କ ସାବତ ପୁଅ ସନ୍ନି ଲୁଚିଛପି ବିବାହ କରିଥିଲେ। ଜାଣିବା ପୂଜା କିଏ ଏବଂ ସେ କ’ଣ କରନ୍ତି।
ବିବାହ ପୂର୍ବରୁ ପୂଜାଙ୍କ ନାମ ଲିଣ୍ଡା ଥିଲା। ସେ ବ୍ରିଟେନ ନିବାସୀ। ପୂଜାଙ୍କ ବାପା ଭାରତୀୟ ଥିବାବେଳେ ମା’ ବ୍ରିଟିସ ନାଗରୀକ ଥିଲେ। ୧୯୮୪ରେ ପୂଜା ଏବଂ ସନ୍ନି ବିବାହ କରିଥିଲେ। ମାତ୍ର ଏହି ବିବାହ ବିଷୟରେ ଲୋକମାନେ ୧୯୯୦ ପରେ ଜାଣିବାକୁ ପାଇଥିଲେ। ୧୯୯୦ରେ ପୂଜା ଯେତେବେଳେ ତାଙ୍କର ବଡ଼ ପୁଅ କରଣଙ୍କୁ ଜନ୍ମ ଦେଲେ ସେହି ସମୟରେ ଏହା ଚର୍ଚ୍ଚାର ବିଷୟ ପାଲଟିଥିଲା।
ପୂଜା ପେଶାରେ ଜଣେ ଲେଖିକା। ସେ ସନ୍ନି ଦେଓଲଙ୍କ ଫିଲ୍ମ ‘ୟମଲା ପଗଲା ଦିଓ୍ବାନା’ର ସ୍କ୍ରିନ୍ ପ୍ଲେ ଲେଖିଥିଲେ। ତେବେ ମିଡିଆ ରିପୋର୍ଟ ଅନୁଯାୟୀ, ସନ୍ନି ଦେଓଲଙ୍କୁ ବିବାହକୁ ନେଇ ପୂଜା ପ୍ରଥମେ ଖୁସି ନ ଥିଲେ। ଏହାର କାରଣ ହେଉଛି ସନ୍ନିଙ୍କ ଆଫେୟାର୍ସ। ସନ୍ନିଙ୍କ ନାମ ଅମୃତା ସିଂହ ଏବଂ ଡିମ୍ପଲ କପାଡିୟାଙ୍କ ସହ ଯୋଡାଯାଉଥିଲା। ବର୍ତ୍ତମାନ ସନ୍ନି ଏବଂ ପୂଜା ଖୁସିରେ ବୈବାହିକ ଜୀବନ ବିତାଉଛନ୍ତି। ସେମାନଙ୍କର ୨ ପୁଅ କରଣ ଏବଂ ରାଜଭୀର ଅଛନ୍ତି।