ମୁମ୍ବାଇ: ଅଭିନେତ୍ରୀ ସନି ଲିଓନ ତାଙ୍କ ଷ୍ଟାଇଲ୍ରେ ସମସ୍ତଙ୍କ ହୃଦୟ ଜିଣିପାରନ୍ତି। ସେ ଜଣେ ଭଲ ନୃତ୍ୟଶିଳ୍ପୀ ବୋଲି ସମସ୍ତେ ଜାଣନ୍ତି। ଯଦି ତାଙ୍କର କୌଣସି ଡ୍ୟାନ୍ସ ଭିଡିଓ ଆସେ, ତେବେ ଏହା ସୋସିଆଲ ମିଡିଆରେ ନିଶ୍ଚିତ ଭାବରେ ଭାଇରାଲ ହୁଏ। ବର୍ତ୍ତମାନ ତାଙ୍କର ଏକ ନୂଆ ଗୀତ ‘ଶର୍ମ ଲିହାଜ’ ରିଲିଜ ହୋଇଛି, ଯେଉଁଥିରେ ସନି ଜବରଦସ୍ତ ଡ୍ୟାନ୍ସ କରିଛନ୍ତି।
ଏହି ଗୀତରେ ସନି ଏକ ମ୍ୟାଜେଣ୍ଟା ପିଙ୍କ୍ ଇଣ୍ଡୋ-ଓ୍ବେଷ୍ଟର୍ଣ୍ଣ ଡ୍ରେସ ପିନ୍ଧିଥିବା ନଜର ଆସିଛନ୍ତି। ଏଥିସହ ସେ ରୁପା ଅଳଙ୍କାର ପିନ୍ଧିଛନ୍ତି। ଆହୁରି ମଧ୍ୟ, ସେ ଖୋଲା କେଶରେ ନିଜର ଲୁକ୍କୁ ବେଶ୍ ଆକର୍ଷଣୀୟା କରିଛନ୍ତି। ୩ ମିନିଟ୍ ୪୫ ସେକେଣ୍ଡର ଏହି ଭିଡିଓରେ ସନି ନାଚିବା ସମୟରେ ଦର୍ଶକଙ୍କୁ ପାଗଳ କରିଦେଇଛନ୍ତି।
ଏହି ଗୀତରେ ସନି ହସୁଥିବା ଏବଂ ଅଭିନୟ କରୁଥିବା ଦେଖିବାକୁ ମିଳିଛି। ଗୀତଟିକୁ ସାକ୍ଷୀ ହୋଲକର ଗାଇଥିବାବେଳେ ଏହାକୁ ସୋନାଲ ପ୍ରଧାନ ଲେଖିଛନ୍ତି। ୟୁଜରମାନେ ଏହି ଭିଡିଓ ଉପରେ ଅନେକ ମନ୍ତବ୍ୟ ଦେଇଛନ୍ତି। ସମସ୍ତେ ସନିଙ୍କୁ ପ୍ରଶଂସା କରିଛନ୍ତି। ଅନେକ ୟୁଜର ଏହି ଭିଡିଓରେ ହାର୍ଟ ଇମୋଜି ଦେଇଥିବା ବେଳେ ଆଉ କିଛି ୟୁଜର ଫାୟାର ଇମୋଜି ବି ଦେଇଛନ୍ତି। ଏଥିରୁ ବୁଝାପଡୁଛି ଦର୍ଶକେ ସନିଙ୍କ ଏହି ଡ୍ୟାନ୍ସକୁ କେତେମାତ୍ରାରେ ପସନ୍ଦ କରିଛନ୍ତି।
