ମୁମ୍ବାଇ,୧୭।୪: ଆଇପିଏଲ ୨୦୨୨ର ୨୮ ତମ ମ୍ୟାଚରେ ସନରାଇଜର୍ସ ହାଇଦ୍ରାବାଦ ପଞ୍ଜାବ କିଙ୍ଗ୍ସକୁ ପରାସ୍ତ କରିଛି। ଫଳରେ ଚଳିତ ସିଜିନରେ ହାଇଦ୍ରାବଦ ଏହା କ୍ରମାଗତ ଚତୁର୍ଥ ବିଜୟ। ପଞ୍ଜାବର ୧୫୨ ରନର ଲକ୍ଷ୍ୟକୁ ପିଛା କରି ହାଇଦ୍ରାବଦ ତିନିଟି ଉଇକେଟ ହରାଇ ବିଜୟ ହାସଲ କରିଥିଲା। ହାଇଦ୍ରାବାଦ ପାଇଁ ଆଡେନ ମାର୍କ୍ରାମ ଅପରାଜିତ ୪୧ ରନ ଏଂବ ନିକୋଲାସ ପୁରନ ଅପରାଜିତ ୩୫ ରନ ସ୍କୋର କରିଥିଲେ। ଏହା ବ୍ୟତୀତ ଅଭିଷେକ ଶର୍ମା ୩୧ ଏବଂ ରାହୁଲ ତ୍ରିପାଠୀ ୩୪ ରନ ସ୍କୋର କରିଥିଲେ। ବିଜୟ ପରେ ଆଠ ପଏଣ୍ଟ ସହ କେନ ୱିଲିୟମସନଙ୍କ ନେତୃତ୍ୱାଧୀନ ହାଇଦ୍ରାବାଦ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି। ପଞ୍ଜାବ କିଙ୍ଗ୍ସ ସପ୍ତମ ସ୍ଥାନକୁ ଖସି ଆସିଛି।